மாயனுாரில் கனிமங்கள் கடத்தல்: மூன்று டாரஸ் லாரி பறிமுதல்

குளித்தலை, கரூர் மாவட்டம் புவியியல் மற்றும் சுரங்கத்துறை உதவி புவியியலாளர் சங்கர், 41, நேற்று முன்தினம் மதியம் 2:40 மணியளவில் தனது கார் டிரைவர் உதவியுடன், திருச்சி - கரூர் தேசிய நெடுஞ்சாலையில் ஆர்.புதுக்கோட்டை பஸ் நிறுத்தத்தில் வாகன சோதனையில் ஈடுபட்டார். அப்போது கருரில் பகுதியில் இருந்து, திருச்சிக்கு வேகமாக சென்ற டாரஸ் லாரியை நிறுத்தி சோதனை செய்தனர். அதில், 7 யூனிட் கிராவல் மண் உரிய அனுமதியில்லாமல் கடத்தியது தெரியவந்தது.டாரஸ் லாரியை பறிமுதல் செய்து, பெரம்பலூர் மாவட்டம், குன்னம் அடுத்த எழுமூரை சேர்ந்த டிரைவர் மதன்குமார், 27, அதேபோல் மற்றொரு லாரியில், 7 யூனிட் கிராவல் மண் கடத்திய கரூர் ஜெகதாபியை சேர்ந்த வடிவேல், 37, மற்றும் டாரஸ் லாரியில் 8 யூனிட் பெல்ஸ் பார்க் கனிமம் கடத்திய டாரஸ் லாரி பறிமுதல் செய்யப்பட்டது.லாரியின் டிரைவர் திண்டுக்கல் மாவட்டம், தாடிக்கொம்பு அடுத்த மல்லுார்பட்டியை சேர்ந்த தாமஸ், 41, ஆகிய மூன்று பேரை மாயனுார் போலீசார் கைது செய்தனர். மூன்று லாரிகளும் பறிமுதல் செய்யப்பட்டது