கோவையில் தி.மு.க., முப்பெரும் விழா கட்சியினர் திரளாக பங்கேற்க அழைப்பு

கிருஷ்ணகிரி, கிருஷ்ணகிரி கிழக்கு மாவட்ட, தி.மு.க. செயலாளர் மதியழகன் எம்.எல்.ஏ., வெளியிட்டுள்ள அறிக்கை: தி.மு.க., தலைவரும், தமிழக முதல்வருமான ஸ்டாலின் தலைமையில், கருணாநிதி நுாற்றாண்டு நிறைவு விழா, 40 லோக்சபா தொகுதிகளிலும் வெற்றியளித்த மக்களுக்கு நன்றி தெரிவிக்கும் விழா, தமிழக வெற்றிக்கு, கட்சியை வழிநடத்தி சென்ற முதல்வருக்கு பாராட்டு விழா என, முப்பெரும் விழா நாளை (சனிக்கிழமை) மாலை, 4:00 மணிக்கு கோவை கொடிசியா மைதானத்தில் நடக்கிறது. இதில் தமிழகத்தின், 40 புதிய எம்.பி.,க்களும் கலந்து கொள்கின்றனர். இந்த விழாவில், கிருஷ்ணகிரி கிழக்கு மாவட்டத்தை சேர்ந்த அனைத்து நிர்வாகிகளும் தவறாமல் கலந்து கொள்ள வேண்டும்.இவ்வாறு, அவர் தெரிவித்துள்ளார்.