கிருஷ்ணகிரியில் 25ல் தி.மு.க., செயற்குழு

கிருஷ்ணகிரி : கிருஷ்ணகிரியில் வரும், 25ம் தேதி கிழக்கு மாவட்ட, தி.மு.க., செயற்குழு கூட்டம் மற்றும் ஓட்டு எண்ணும் மைய முகவர்கள் ஆலோசனை கூட்டம் நடக்கிறது. இது குறித்து கிழக்கு மாவட்ட, தி.மு.க., செயலாளர் மதியழகன் எம்.எல்.ஏ., வெளியிட்டுள்ள அறிக்கை: கிருஷ்ணகிரி கிழக்கு மாவட்ட, தி.மு.க., செயற்குழு கூட்டம் மற்றும் லோக்சபா தேர்தல் ஓட்டு எண்ணும் மைய முகவர்கள் ஆலோசனை கூட்டம் வரும், 25ம் தேதி (சனிக்கிழமை) மதியம், 3:00 மணிக்கு கிருஷ்ணகிரி தேவராஜ் மகால் திருமண மண்டபத்தில் நடக்கிறது. இதில், கிருஷ்ணகிரி மாவட்ட பொறுப்பு அமைச்சர் சக்கரபாணி கலந்து கொள்கிறார். கூட்டத்தில், கிருஷ்ணகிரி கிழக்கு மாவட்டத்தை சேர்ந்த அனைத்து நிர்வாகிகளும் கலந்து கொள்ள வேண்டும். இவ்வாறு, அவர் தெரிவித்துள்ளார்.