காவிரி குடிநீர் குழாய் சீரமைப்பு

கமுதி: தினமலர் நாளிதழ் செய்தி எதிரொலியாக கமுதி தாலுகா அலுவலகம் முன்பு காவிரி குடிநீர் குழாய் உடைப்பு சீரமைக்கப்பட்டது.கமுதி அருகே கீழக்காஞ்சிரங்குளம் நீரேற்று நிலையத்தில் இருந்து ராட்சத குழாய் மூலம் சாலையோரத்தில் குழாய் பதிக்கப்பட்டு கமுதி மற்றும் அதனை சுற்றியுள்ள கிராமங்களுக்கு காவிரி குடிநீர் சப்ளை செய்யப்படுகிறது. கமுதி தாலுகா அலுவலகம் முன்பு காவிரி குடிநீர் குழாயில் உடைப்பு ஏற்பட்டு குடிநீர் வீணாகியது.குழாய் உடைப்பால் குடிநீர் தட்டுப்பாடு ஏற்படும் அபாயம் ஏற்பட்டது. இதுகுறித்து தினமலர் நாளிதழில் படத்துடன் செய்தி வெளியானது .இதன் எதிரொலியாக காவிரி குடிநீர் வடிகால் வாரிய பணியாளர்கள் குழாய் உடைப்பை சரி செய்தனர்.