போடியில் கல்லுாரி நாள் விழா

போடி: போடி சி.பி.ஏ., கல்லூரியின் 50 வது கல்லூரி நாள் விழா கல்லூரி தலைவர் சுப்பிரமணியன் தலைமையில் நடந்தது. செயலாளர் புருஷோத்தமன், முதல்வர் சிவக்குமார், துணை முதல்வர் பாலமுருகன், நிர்வாக குழு உறுப்பினர்கள் சிவப்பிரகாசம், கமலநாதன், சொரூபன், ராதாகிருஷ்ணன் முன்னிலை வகித்தனர். பேராசிரியர் முருகேசன் வரவேற்றார்.கல்லூரி அளவில் மதிப்பெண் தரவரிசை பட்டியல் பெற்ற மாணவர்களுக்கு பரிசு, சான்றிதழ்களும், கல்லூரி வேலை வாய்ப்பு மையத்தின் சார்பில் வேலைவாய்ப்பு பெற்ற 155 மாணவ, மாணவிகளுக்கு பணி நியமன ஆணையை கல்லூரி தலைவர் சுப்ரமணியன் வழங்கினார். ஏல விவசாயிகள் சங்க நிர்வாகத்தினர் ஞானவேல், மணிவாசகம், ஜெகதீஸ்வரன், ஸ்பைஸ் ஸ்போர்டு உதவி மேலாளர் செந்தில் குமரன் உட்பட பலர் கலந்துகொண்டனர்.