அந்துமணி பதில்கள்!

விக்ரம் மோகன், அரியலுார்: நம் நாட்டில் இயற்கையை ரசிக்க, உங்களுக்கு பிடித்த இடம் எது அந்து?திருநெல்வேலி, மணிமுத்தாறு அணை, மாலை நேரத்தில், மேற்கு நோக்கி, காரை ஏற்றமாக நிறுத்தி, சூரியன், அக்னி பிழம்பாக, வானத்தில் பல நிறங்களை இறைத்து மறைவதைக் காண, கண்கொள்ளாக் காட்சியாக இருக்கும்!* எல்.சுரேஷ், மதுரை: எது வரப்பிரசாதம்?தன்னலமற்றவர்களின் வசத்தில் பணமிருந்தால் அது ஒரு வரப்பிரசாதம்... சுயநலக்காரர்களின் கைகளில் பணமிருந்தால் அது ஒரு சாபக்கேடு!* ஏ.கே.சஞ்ஜீவிநாதன், கோபி, ஈரோடு: அரசு விளம்பரம், 'தினமலர்' நாளிதழில், மெல்ல எட்டிப் பார்க்கிறதே... மாற்றமா?மாற்றம் நல்லது தானே! சி.சந்திரபாலன், நெல்லை: அந்துமணிக்கு, பதவி உயர்வே கிடையாதா... கடைசி வரை, ஆபீஸ் பாய் வேலை தானா?உங்களின் இந்தக் கடிதத்தை, பொறுப்பாசிரியரிடம் கொடுத்து விட்டேன்!த.சிந்தாமணி, வெண்கரும்பூர், கடலுார்: உங்களின் மீதமுள்ள டிரஸ்சை யாருக்குக் கொடுப்பீர்கள்?என் டாக்டருக்கு, 10; மற்றவை, நண்பர்களுக்கு!எஸ்.மனோகரன், ராமநாதபுரம்: 'தினமும், தினமலர் - வாரமலர் இதழ், அந்துமணிக்கு கடிதம் எழுதி, அவரை ஏன் தொந்தரவு செய்கிறீர்கள்...' என்று, என் மனைவி கோபித்துக் கொள்கிறாரே...நீங்களும், உங்களைப் போன்ற வாசகர்களும் என் முதலாளிகளாச்சே! அப்படியெனில், உங்கள் கடிதங்களைப் படிப்பது, அன்பில் தானே... தொந்தரவு எங்கே வந்தது?டி.எஸ்.வி.ஸ்ரீராம், புதுச்சேரி: தங்கள் உடையில், 'சென்ட்' அடித்துக் கொள்ளும் பழக்கம் உண்டா?'ப்ரூட்' அடித்துக் கொள்வேன்; அக்குளில், 'பாடி ஸ்பிரே' மற்றும் சட்டையில், 'சென்ட்!'ஆர்.பிரசன்னா, ஸ்ரீரங்கம்: கிட்டத்தட்ட, 50 ஆண்டு திராவிட ஆட்சிக் காலத்தில், தமிழகம் எதில் முன்னேறியுள்ளது?மது அருந்துவோருக்கு, மிகவும் பிடித்த மாநிலமாக மாறியுள்ளது!