மாவட்ட அளவிலான கிரிக்கெட்; திருப்பூர் சி.சி., அணி வெற்றி

கோவை : மாவட்ட அளவிலான இரண்டாம் டிவிஷன் கிரிக்கெட் லீக் போட்டியில் திருப்பூர் கிரிக்கெட் கிளப் அணி நான்கு விக்கெட் வித்தியாசத்தில் வெற்றி பெற்றது.கோவை மாவட்ட கிரிக்கெட் சங்கம் சார்பில், 'யூனிவர்சல் ஹீட் எக்சேஞ்ச் கோப்பைக்கான' இரண்டாவது டிவிஷன் கிரிக்கெட் லீக் போட்டி பீளமேடு பி.எஸ்.ஜி., மருத்துவ கல்லுாரி மைதானத்தில் நடந்தது. இப்போட்டியில் திருப்பூர் கிரிக்கெட் கிளப் மற்றும் 'சர் ராபர்ட் ஸ்டேன்ஸ் எம்.சி.சி.,' அணிகள் மோதின.'டாஸ்' வென்ற திருப்பூர் சி.சி., முதலில் பவுலிங் தேர்வு செய்து, சிறப்பாக பந்து வீசியது. தமிழரசனின் (நான்கு விக்கெட்) பந்து வீச்சு கைகொடுக்க, எதிரணியை 64 ரன்களுக்கு திருப்பூர் சி.சி., சுருட்டியது.பின்னர், வெற்றி பெற 65 ரன்கள் தேவை என்ற எளிய இலக்குடன் களமிறங்கிய திருப்பூர் சி.சி., அணியினர் 19.3 ஓவர்களில் ஆறு விக்கெட்கள் இழப்புக்கு 68 ரன்கள் எடுத்து வெற்றி பெற்றனர். ராபர்ட் ஸ்டேன்ஸ் அணியின் முகேஷ் மூன்று விக்கெட் கைப்பற்றினார்.