கே.ஆர்.பி., அணைக்கு நீர்வரத்து அதிகரிப்பு

கிருஷ்ணகிரி: கிருஷ்ணகிரி மாவட்டத்தில் கடந்த, 3 நாட்களாக பரவலான மழையால், நீர்நிலைகள் நிரம்பி வருகின்றன. தென்பெண்ணை ஆற்றின் நீர்பிடிப்பு பகுதியில் பெய்து வரும் மழையால், கிருஷ்-ணகிரி கே.ஆர்.பி., அணைக்கு நீர்வரத்து அதிகரித்துள்ளது. நேற்று முன்தினம் அணைக்கு வினாடிக்கு, 621 கன அடியாக இருந்த நீர்வரத்து, நேற்று காலை, 763 கன அடியாக அதிகரித்-தது. அணையிலிருந்து இடது மற்றும் வலதுபுற வாய்க்காலில் முதல்போக சாகுபடிக்கு, 185 கன அடி, தென்பெண்ணை ஆற்றில், 242 கன அடி என மொத்தம், 427 கன அடி நீர் திறக்கப்-பட்டுள்ளது. அணை நீர்மட்டம் மொத்த உயரமான, 52 அடியில் நேற்று, 50.80 அடியாக இருந்தது.மாவட்டத்தில் நேற்று காலை, 8:00 மணி நிலவரப்படி, அதிகபட்-சமாக ஊத்தங்கரையில், 33.40 மி.மீ., மழை பதிவாகி இருந்தது. அதேபோல், பாம்பாறு அணை, 16, போச்சம்பள்ளி, 8.10, பாரூர், தளி, 5, நெடுங்கல், 4.20, தேன்கனிக்கோட்டை, 3, கே.ஆர்.பி., அணை, 2.40, என மொத்தம், 84 மி.மீ., மழை பதிவாகி இருந்தது.