நாமக்கல், துணை முதல்வர் உதயநிதியின் பிறந்தநாளை முன்னிட்டு, நாமக்கல்லில் தி.மு.க.,வினர் நலத்திட்ட உதவிகள் வழங்கி கொண்டாடினர்.நாமக்கல்லில் துணை முதல்வரும், தி.மு.க., இளைஞரணி செயலருமான உதயநிதியின் பிறந்த நாளை முன்னிட்டு, தி.மு.க., கிழக்கு நகர செயலர் அலுவலகத்தில் நடந்த நிகழ்ச்சிக்கு, கிழக்கு நகர செயலரும், துணை மேயருமான பூபதி தலைமை வகித்தார். மாநகராட்சி துாய்மை பணியாளர்களுக்கு அரிசி, பருப்பு, காய்கறி உள்ளிட்ட மளிகை பொருட்கள், மதிய உணவு வழங்கப்பட்டன. மேலும், அரசு துவக்கப்பள்ளி, நடராஜபுரம் குழந்தைகள் மையம், கொசவம்பட்டி பள்ளி உள்ளிட்ட 7 பள்ளி குழந்தைகளுக்கு நோட்டு, புத்தகம், இனிப்பு, சில்வர் தட்டு, பாய் உள்ளிட்ட உபகரணங்கள் வழங்கப்பட்டன.இளைஞர் அணி, மாணவர் அணி நிர்வாகிகள், மாநகராட்சி கவுன்சிலர்கள் சுரேஷ், சரவணன், தி.மு.க., நிர்வாகிகள் பங்கேற்றனர். * குமாரபாளையம் அருகே, வடக்கு ஒன்றிய பொறுப்பாளர் நாச்சி முத்து, மாணவரணி அமைப்பாளர் உதயகுமார் தலைமையில், துணை முதல்வர் உதயநிதி பிறந்த நாள்விழா கொண்டாடப்பட்டது. ஓலப்பாளையம் ஊராட்சி ஒன்றிய நடுநிலைப்பள்ளி மாணவர்களுக்கு பேனா, பென்சில் மற்றும் இனிப்பு வழங்கப்பட்டது. ஒன்றிய இளைஞர் அணி அமைப்பாளர் கார்த்திக் ஏற்பாட்டில், தட்டான்குட்டை ஊராட்சி அன்னை ஆதரவற்றோர் மையத்தில் அன்னதானம் வழங்கப்பட்டது. நிர்வாகிகள் சவுந்திரம், ராஜேந்திரன், ஜான்பீட்டர், விஜயகுமார், முரளி, மாதேஸ்வரன் உள்பட பலர் பங்கேற்றனர்.* ராசிபுரம் புதிய பஸ் ஸ்டாண்ட், பழைய பஸ் ஸ்டாண்ட், 27 வார்டு என பல இடங்களில் உதயநிதி பிறந்த நாளை முன்னிட்டு நகர செயலர் சங்கர் தலைமையில், நிர்வாகிகள் பட்டாசு வெடித்து மக்களுக்கு இனிப்பு வழங்கினர்.கோனேரிப்பட்டி நகராட்சி நடுநிலைப் பள்ளியில், மாணவ மாணவியருக்கு இலவசமாக நோட்டு புத்தகங்கள், பேனா மற்றும் இனிப்பு வழங்கினர். சேர்மன் கவிதா, மாணவரணி அமைப்பாளர் சத்யசீலன் உள்ளிட்ட பலர் கலந்து கொண்டனர்.இதேபோல் வெண்ணந்துார், பள்ளிப்பாளையம், திருச்செங்கோடு மற்றும் பல்வேறு பகுதிகளில் துணை முதல்வர் உதயநிதி பிறந்த நாள் விழாவை தி.மு.க.,வினர் கொண்டாடினர்.