வீடு தேடி ரேஷன் பொருள் நாளை மறுநாள் வழங்கல்

திருவள்ளூர்: 'தாயுமானவர்' திட்டத்தின் கீழ், முதியோர் மற்றும் மாற்றுத்திறனாளிகளின் வீடுகளுக்கு டிச., 2, 3ம் தேதி, ரேஷன் பொருட்கள் வினியோகிக்கப்பட உள்ளன. திருவள்ளூர் கலெக்டர் பிரதாப் வெளியிட்டுள்ள செய்திக்குறிப்பு: முதல்வரின் தாயுமானவர் திட்டத்தின் கீழ், 70 வயதுக்கும் மேற்பட்ட முதியோர் மற்றும் மாற்றுத்திறனாளி குடும்ப அட்டைதாரர்களின் இல்லத்திற்கு, ரேஷன் பொருட்கள் வீடு தேடி வழங்கும் திட்டம் அமலில் உள்ளது. டிச., மாதத்திற்கான அத்தியாவசிய பொருட்கள், டிச., 2 மற்றும் 3ம் தேதிகளில், முதியோர் மற்றும் மாற்றுத்தினாளி குடும்ப அட்டைதாரர்களுக்கு வினியோகம் செய்யப்பட உள்ளது. இவ்வாறு அதில் கூறப்பட்டுள்ளது.