மாரியம்மன் கோவிலில் வரும் 20ல் கும்பாபிஷேகம்

நெகமம்;நெகமம், செங்குட்டைபாளையம் மாரியம்மன் கோவிலில், வரும் 20ம் தேதி, மஹா கும்பாபிஷேகம் நடக்கிறது.நெகமம், செங்குட்டைபாளையத்தில், புகழ் பெற்ற மாரியம்மன் கோவில் உள்ளது. இக்கோவிலில் கும்பாபிஷேக விழா வரும் 19ம் தேதி துவங்குகிறது.இதில், அன்று மாலை, 5:30 மணிக்கு, மங்கள இசை நடக்கிறது. தொடர்ந்து, 6:00 மணிக்கு, விக்னேஸ்வர பூஜை, புண்யாகம், வாஸ்து சாந்தி, அங்குரார்ப்பணம், ரக் ஷா பந்தனம், கும்ப அலங்காரம், கலாகர்ஷனம், முதல் கால யாக பூஜை, தீபாராதனை மற்றும் பிரசாதம் வழங்கும் நிகழ்ச்சி நடக்கிறது.வரும் 20ம் தேதி, காலை, 7:00 மணிக்கு, இரண்டாம் கால யாக பூஜை, தீபாராதனை மற்றும் யாத்ரா தானம் நடக்கிறது. காலை, 9:30 மணிக்கு, விமானங்களுக்கு கும்பாபிஷேகம் நடக்கிறது.தொடர்ந்து காளியம்மன், மாரியம்மன், கன்னிமார் சுவாமிகளுக்கு, மஹா கும்பாபிஷேகம் நடக்கிறது. பின்னர் சுவாமிக்கு சிறப்பு அபிஷேக அலங்கார மற்றும் தீபாராதனை நிகழ்ச்சிகள் நடக்கிறது. இந்நிகழ்ச்சியில், செங்குட்டைபாளையம் மற்றும் சுற்றுப்பகுதி கிராமங்களைச்சேர்ந்த மக்கள் திரளாக பங்கேற்கின்றனர்.