தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/

/

14

முந்தய பதிப்புகள்

இன்றுநேற்று
இன்றுநேற்று

To type in English

 (or) 

Press CTRL+G 

To type in English

மொத்த செய்திகள்: 1217

ஆசிய கோப்பை கிரிக்கெட்: Under 19 ஆண்கள் அணி கோப்பை வென்று சாதனை|U19AsiaCupCricket

வீடியோ: பொது

14-Nov-2026

மேஷம்:அசுவினிசூழ்நிலைகளுக்கு ஏற்ப செயல்படக்கூடிய உங்களுக்கு, பிறக்கும் கார்த்திகை மாதம் நன்மையான மாதமாகும். ஞானமோட்சக்காரகன் கேது சுக ஸ்தானத்திலும், யோகக்காரகன் ராகு ஜீவன ஸ்தானத்திலும் சஞ்சரிப்பதால் உழைப்பு அதிகரிக்கும். அதற்கேற்ற பலனும் உண்டாகும். செய்துவரும் தொழில் வியாபாரத்தில் அக்கறை கூடும். உத்தியோகத்தில் ஏற்பட்ட நெருக்கடிகள் நீங்கும். வெளிநாட்டு முயற்சிகள் சாதகமாகும் வரவேண்டிய பணம் வரும். வேலைபளு மற்றும் எதிர்பாரா பயணங்களினால் உடல்நிலையும் மனநிலையும் சோர்வடையும். தாயாரின் உடல்நிலையில் ஏதாகிலும் ஒரு சங்கடம் ஏற்படும். விரய ஸ்தானத்தில் சஞ்சரித்து வரும் சனி நவ. 30 ல் வக்கிர நிவர்த்தி அடைவதால் செலவு அதிகரிக்கும். எதிர்பாராத பயணம் ஏற்படும். சிலருக்கு மருத்துவச்செலவுகள் உண்டாகும். வயதானவர்களுக்கு ஆரோக்கியத்தில் சங்கடம் தோன்றும் என்றாலும், அனைத்தையும் சமாளித்திடக்கூடிய நிலையும் உங்களுக்கு ஏற்படும். பூர்வ புண்ணிய ஸ்தானத்தில் சஞ்சரிக்கும் தனக்காரகன் குருவின் பார்வை ராசிக்கு கிடைப்பதால் வரும் பிரச்னைகளை எதிர் கொண்டு வெற்றியடைவீர்கள். திருமண வயதினருக்கு வரன் வரும். சிலருக்கு குழந்தை பாக்கியம் உண்டாகும். சொந்த இடம் வீடு வாங்கும் முயற்சி வெற்றியாகும். பெரியோரின் ஆதரவு கிடைக்கும். அரசியல்வாதிகள் நீண்ட நாள் கனவு நனவாகும். தலைமையின் ஆதரவு கிடைக்கும். உத்தியோகத்தில் இருப்பவர்கள் மேல் அதிகாரியை அனுசரித்துச் செல்வதும், விவசாயிகள் விளைச்சலில் கவனமாக இருப்பதும், பெண்கள் எதிர்பாலினரிடம் ஓரடி விலகி இருப்பதும் நன்மையளிக்கும். மாணவர்களுக்கு படிப்பில் ஏற்பட்ட தடைகள் விலகும்.சந்திராஷ்டமம்: டிச. 7,8.அதிர்ஷ்ட நாள்: நவ. 18,25,27. டிச. 9.பரிகாரம்: கற்பக விநாயகரை வழிபட வாழ்வில் நன்மை உண்டாகும்.பரணிநினைப்பதை சாதிப்பதில் வல்லவரான உங்களுக்கு, பிறக்கும் கார்த்திகை மாதம் திட்டமிட்டு செயல்பட வேண்டிய மாதமாகும். உங்கள் நட்சத்திராதிபதி சுக்கிரன் சப்தம ஸ்தானத்தில் ஆட்சியாக சஞ்சரிப்பதால் உங்கள் நிலையில் மாற்றம் ஏற்படும். புதிய நட்பால் செயல்களில் மாற்றம் உண்டாகும். எதிர்பாலினரால் சில சங்கடங்களை சந்திக்க வேண்டிய நிலை உருவாகும். செய்துவரும் தொழில் வியாபாரத்தில் கூட அக்கறை செலுத்த முடியாத அளவிற்கு கவனச்சிதறல் உண்டாகும். வரும் வருமானம் போகும் இடம் தெரியாமல் போகும். அயன சயன ஸ்தானத்தில் சஞ்சரித்துவரும் சனியும் நவ. 30 முதல் வக்கிர நிவர்த்தி அடைவதால் வீண் செலவுகள் அதிகரிக்கும். சந்தோஷத்தின்மீது உங்கள் மனம் பயணிக்கும் என்றாலும், நவ. 30 முதல் உங்கள் சகாய ஸ்தானாதிபதி புதன் அஷ்டம ஸ்தானத்தில் சஞ்சரிப்பதால் வரவேண்டிய பணம் வரும். வியாபாரிகளுக்கும் கலைஞர்களுக்கும் எதிர்பார்த்த ஒப்பந்தங்கள் கிடைக்கும். புதிய இடம் வீடு வாங்கும் முயற்சி வெற்றியாகும். பெரியோரின் ஆதரவு கிடைக்கும். உத்தியோகத்தில் இருப்பவர்களுக்கு ஏற்பட்ட சங்கடங்கள் விலகும். மங்களக்காரகன் குருவின் பார்வை ராசிக்கு உண்டாவதால் உங்களை நீங்களே திருத்திக் கொள்வீர்கள். கவுரவம் அந்தஸ்தை தக்க வைத்துக்கொள்ளும் வகையில் உங்கள் நடவடிக்கைகள் மாறும். செயல்களில் வேகம் இருக்கும். பட்டம் பதவி என்பதெல்லாம் தேடி வரும் சமூகத்தில் உங்களுக்கென்று ஒரு மரியாதையும் செல்வாக்கும் உண்டாகும். பெண்களுக்கு கணவருடன் இணக்கமான நிலை உண்டாகும். குடும்பத்தின் மீது அக்கறை அதிகரிக்கும். வேலைப் பார்க்கும் இடத்தில் ஏற்பட்ட பிரச்னைகள் விலகும். திருமண வயதினருக்கு வரன் அமையும் வயதானவர்கள் உடல்நிலையில  கவனமாக இருப்பது நன்மையளிக்கும். விவசாயிகள் விளைச்சலில் கூடுதல் கவனம் செலுத்த வேண்டி வரும். மாணவர்களுக்கு மாதத்தின் பிற்பகுதியில் படிப்பில் அக்கறை உண்டாகும்.சந்திராஷ்டமம்: டிச. 8,9.அதிர்ஷ்ட நாள்: நவ. 18,24,27. டிச. 6,15.பரிகாரம்: மகாலட்சுமியை வழிபட மனம் தெளிவடையும். வாழ்வில் முன்னேற்றம் உண்டாகும்.கார்த்திகை 1 ம் பாதம்சோதனைகளையும் சாதனைகளாக மாற்றும் சக்தி கொண்ட உங்களுக்கு, பிறக்கும் கார்த்திகை மாதம் கவனமாக செயல்பட வேண்டிய மாதமாகும். உங்கள் பூர்வ புண்ணியாதிபதி சூரியன் அஷ்டம ஸ்தானத்தில் மறைவதால் உங்கள் செயல்களில் தடுமாற்றம் ஏற்படும். அரசுவழி முயற்சிகள் இழுபறியாகும். உத்தியோகத்தில் இருப்பவர்களுக்கு எதிர்ப்பாராத நெருக்கடிகள் உண்டாகும். சிலருக்கு திடீர் இடமாற்றம் ஏற்படும். வியாபாரிகளுக்கு அரசின் வழியே நெருக்கடிகள் தோன்றும். சிலருக்கு உடல் நிலையில் எதிர்பாராத சங்கடங்கள் உண்டாகும். விரய சனி நவ. 30 முதல் வக்கிர நிவர்த்தி அடைவதால் பல வகையிலும் செலவு ஏற்படும். அலைச்சல் அதிகரிக்கும். அதே நேரத்தில், பூர்வ புண்ணிய ஸ்தானத்தில் சஞ்சரிக்கும் குரு உங்கள் நிலையை உயர்த்துவார். அவருடைய பார்வைகள் பாக்கிய, லாப ஸ்தானங்களுக்கும் ஜென்ம ராசிக்கும் உண்டாவதால் எத்தனை சங்கடங்கள் வந்தாலும் அதையெல்லாம் சமாளித்திடக்கூடிய நிலை உண்டாகும். உங்ஙள் ராசிநாதன் செவ்வாயும் குருவுடன் இணைவதால் குருமங்கள யோகம் ஏற்பட்டு குடும்பத்தில் சுபிட்சமான நிலை இருக்கும். தேவைக்கேற்ற பணம் வரும். சமூகத்தில் செல்வாக்கும் அந்தஸ்தும் உயரும். அதே நேரத்தில் சப்தம ஸ்தானத்தில் சஞ்சரிக்கும் சுக்கிரன் சிலரை தவறான வழிக்கும் அழைத்துச் செல்வார். அதனால் உங்கள் செல்வாக்கு அந்தஸ்தில் பின்னடைவு ஏற்படும். மற்றவர் விமர்சனம் செய்யும் அளவிற்கு உங்கள் நிலை மாறும். செயல்களிலும் தடுமாற்றம் குழப்பம் ஏற்படும். குடும்பத்திற்கும் உங்களுக்கும் இடைவெளியும் உண்டாக வாய்ப்பிருப்பதால் தவறான பாதையை விட்டு விலகுவதும் தவறான வழியில் செல்லாமல் இருப்பதும் உங்களுக்கு நன்மையளிக்கும். பெண்கள் குடும்பத்தினர் ஆலோசனையின்படி செயல்படுவதால் மலைபோல் வரும் சங்கடமெல்லாம் பனிபோல் விலகும். வேலையில் இருப்பவர்கள் எடுத்த வேலைகளை முடிக்கும்வரை வேறு சிந்தனைகளுக்கு இடம் கொடுக்காமல் செயல்படுவதும் உடன் இருப்போரை அனுசரித்துச் செல்வதும் நன்மையளிக்கும். விவசாயிகள் ஒவ்வொரு நாளும் விளைச்சலில் கவனம் செலுத்துவது அவசியம். மாணவர்களுக்கு படிப்பில் அக்கறை அதிகரிக்கும்.சந்திராஷ்டமம்: டிச. 9.அதிர்ஷ்ட நாள்: நவ. 18,19,27,28. டிச. 1,10.பரிகாரம்: அதிகாலையில் சூரியனை வழிபட எடுக்கும் வேலை வெற்றியாகும்.

ரிஷபம்:கார்த்திகை 2, 3, 4 ம் பாதம்உழைப்பால் உயர்வடைந்து வரும் உங்களுக்கு, பிறக்கும் கார்த்திகை மாதம் கவனமாக செயல்பட வேண்டிய மாதமாகும். ஆத்ம காரகன் சூரியன் சப்தம ஸ்தானத்தில் சஞ்சரிப்பதால் உத்தியோகத்தில் இருப்பவர்களுக்கு எதிர்பார்த்த இடமாற்றம் பதவி உயர்வு கிடைக்கும். சிலர் வசதியான வீட்டில் குடியேறுவீர்கள். வேலையின் காரணமாக வெளியூரில் குடியேறக்கூடிய நிலையும் சிலருக்கு ஏற்படும். உத்தியோகத்தில் நிம்மதியான நிலை இருக்கும். வேலைப் பார்க்கும் இடத்தில் உடன் பணிபுரிபவர்கள் உங்களுக்கு ஆதரவாக இருப்பர். அரசுவழி முயற்சிகள் வெற்றியாகும். அரசியல்வாதிகள் செல்வாக்கு உயரும். ராசிநாதன் சுக்கிரன் மாதம் முழுவதும் ருண ரோக ஸ்தானத்தில் சஞ்சரிப்பதால் சிலருக்கு உடல் நிலையில் எதிர்பாராத பாதிப்புகள் ஏற்படும் என்றாலும் அவை மருத்துவத்திற்கு கட்டுப்படும். எடுக்கும் வேலைகளில் வெற்றி உண்டாகும். நினைத்த காரியங்கள் நடந்தேறும். பெரியோரின் ஆதரவு கிடைக்கும். சிலர் தெய்வ வேண்டுதலை நிறைவேற்ற குடும்பத்துடன் ஆலயங்களுக்கு சென்று வருவீர்கள். பெண்களுக்கு குடும்பத்தில் இருந்த நெருக்கடிகள் நீங்கும். கணவரின் ஆதரவு கிடைக்கும். உடலில் ஏற்பட்ட சங்கடங்கள் விலகும். வேலைப்பார்க்கும் இடத்தில் நிம்மதியான நிலை உண்டாகும். குரு பகவானின் பார்வை 8, 10, 12 ம் இடங்களுக்கு உண்டாவதால் திடீர் வாய்ப்புகள் தேடிவரும். செய்துவரும் தொழிலில் ஆதாயம் கிடைக்கும். வியாபாரம் முன்னேற்றம் அடையும். புதிய முயற்சிகள் சாதகமாகும். மறைமுகத் தொல்லைகள் விலகும். வீண்செலவுகள் கட்டுப்படும். விவசாயிகளுக்கு எதிர்பார்த்த ஆதாயம் உண்டாகும். மாணவர்களுக்கு மாதத்தின் முற்பகுதியில் படிப்பில் ஆர்வம் இருக்கும். பிற்பகுதியில் கவனம் தேவை.சந்திராஷ்டமம்: டிச. 10.அதிர்ஷ்ட நாள்: நவ. 19, 24, 28. டிச. 1, 6, 15.பரிகாரம்: வீரட்டேஸ்வரரை வழிபட உங்களுக்கு வரும் சங்கடங்கள் விலகும்.ரோகிணிதிட்டமிட்டு செயல்படுவதில் வல்லவரான உங்களுக்கு, பிறக்கும் கார்த்திகை மாதம் யோகமான மாதமாகும். லாப ஸ்தானத்தில் சஞ்சரித்து உங்கள் வாழ்வில் முன்னேற்றத்தை உண்டாக்கிவரும் கர்மக்காரகன் சனி பகவான், நவ. 30 முதல் வக்கிர நிவர்த்தி அடைகிறார். இதனால் வேலைப் பார்க்கும் இடத்தில் ஏற்பட்ட சங்கடங்கள் விலகும். நான்கு பேர் செய்ய வேண்டிய வேலையை ஒருவரே செய்துவந்த நிலைமாறும். செய்துவரும் தொழிலில் எதிர்பார்த்த ஆதாயம் கிடைக்கும். புதிய முயற்சிகள் வெற்றியாகும். நீண்ட நாளாக இழுபறியாக இருந்த வேலைகள் முடிவிற்கு வரும். பெரியோரின் ஆதரவு கிடைக்கும். அரசுவழி முயற்சிகள் சாதகமாகும். ஞான மோட்சக்காரகன் கேது சகாய ஸ்தானத்தில் சஞ்சரிப்பதால் இதுவரை உங்களுக்கு தடைபட்டு வந்தவை எல்லாம் இனி கிடைக்க ஆரம்பிக்கும். வரவேண்டிய பணம் வரும். தைரியமும் தன்னம்பிக்கையும் கூடும். வாழ்கையில் ஏற்பட்ட போராட்டங்கள் இருந்த இடம் தெரியாமல் போகும். வியாபாரிகளுக்கு அதிர்ஷ்ட வாய்ப்புகள் தேடிவரும். வருமானம் உயரும். சிலருக்கு புதிய ஒப்பந்தங்கள் கிடைக்கும். புதிய இடம் வீடு வாங்கும் முயற்சி வெற்றியாகும். குரு மங்கள யோகத்தின் காரணமாக வாகனம் வசதி வாய்ப்பு என்ற கனவுகள் நனவாகும். பாக்கிய ராகுவால் தெய்வ அருளும் பெரியோர் உதவியும் கிடைக்கும். உங்கள் நிலை உயரும். உடல் நிலையில் ஏற்பட்ட பாதிப்புகள் இருந்த இடம் தெரியாமல் போகும். பெண்களுக்கு மனதில் இருந்த சங்கடங்கள் விலகும். குடும்பத்தில் நிம்மதியான நிலை இருக்கும். வாழ்க்கைத் துணையின் ஆதரவு கிடைக்கும். வயதானவர்களுக்கு ஆரோக்கியம் மேம்படும். விவசாயிகளுக்கு விளைச்சலில் ஏற்பட்ட சங்கடம் விலகும். மாணவர்களுக்கு படிப்பில் முன்னேற்றம் உண்டாகும்.சந்திராஷ்டமம்: டிச. 10, 11.அதிர்ஷ்ட நாள்: நவ. 20, 24, 29. டிச. 2, 6, 15.பரிகாரம்: மதுர காளியம்மனை வழிபட எடுத்த வேலை வெற்றியாகும். நன்மை உண்டாகும்.மிருகசீரிடம் 1, 2 ம் பாதம்சாமர்த்தியசாலியான உங்களுக்கு பிறக்கும் கார்த்திகை மாதம் நன்மையான மாதமாகும். தைரிய வீரிய காரகன் செவ்வாய், தனக்காரகன் குருவுடன் சுக ஸ்தானத்தில் சஞ்சரிப்பதால் வசதி வாய்ப்புகள் அதிகரிக்கும். முன்னேற்றப் பாதையில் நடைபோடுவீர்கள்.  உழைப்பிற்கேற்ற ஆதாயம் கிடைக்கும். வியாபாரிகளுக்கும் சுயதொழில் செய்து வருபவர்களுக்கும் ஆதாயம் கூடும். உத்தியோகத்தில் இருப்பவர்களுக்கு ஏற்பட்ட நெருக்கடிகள் நீங்கும். உங்கள் தன குடும்பாதிபதியும் பூர்வ புண்ணியாதிபதியுமான புதன் நவ் 30 வரை சாதகமாக சஞ்சரிப்பதால் வரவேண்டிய பணம் வரும். சேமிப்பு உயரும். சிலருக்கு இழுபறியாக இருந்த ஒப்பந்தங்கள் கையெழுத்தாகும். புதிய இடம் வீடு வாங்கும் முயற்சி வெற்றியாகும். சகாய ஸ்தானத்தில் சஞ்சரிக்கும் கேதுவால் தடைபட்ட வேலைகளை முடிவிற்கு வரும். தன்னம்பிக்கையும் தைரியமும் கூடும். தொழில் நிறுவனங்கள் நடத்தி வருபவர்களுக்கு பணியாளர்களின் ஒத்துழைப்பு கிடைக்கும். அரசியல்வாதிகள் செல்வாக்கு உயரும். எடுத்த வேலைகளை முடித்து ஆதாயம் காண முடியும். உடலில் ஏற்பட்ட சங்கடங்கள் விலகும். மறைமுகத் தொல்லைகள் இருந்த இடம் தெரியாமல் போகும். புதிய தொழில் தொடங்கும் முயற்சி வெற்றியாகும். திருமணத்திற்காக காத்திருந்த பெண்களுக்கு மாங்கல்யம் ஏறும். கணவருடன் ஏற்பட்ட பிரச்னைகள் முடிவிற்கு வரும். ஆரோக்கியம் மேம்படும். நிம்மதியான தூக்கம் இன்றி தவித்தவர்களுக்கு மனதில் இருந்த குழப்பம் விலகும். தெளிவும் தைரியமும் உண்டாகும். விவசாயிகளுக்கு விளைச்சலில் கூடுதல் கவனம் தேவைப்படும். மாணவர்கள் படிப்பில் அக்கறை கொள்வது அவசியம்.சந்திராஷ்டமம்: டிச. 11, 12.அதிர்ஷ்ட நாள்: நவ. 18, 24, 27. டிச. 6, 9, 15.பரிகாரம்: வைத்தியநாத சுவாமியை வழிபட வாழ்வில் நன்மை உண்டாகும்.

மிதுனம்:மிருகசீரிடம் 3, 4 ம் பாதம்எடுத்த வேலையை முடிப்பதில் வல்லவரான உங்களுக்கு, பிறக்கும் கார்த்திகை மாதம் யோகமான மாதமாகும். தைரிய வீரிய பராக்கிரமக்காரகன் செவ்வாய் சகாய ஸ்தானத்தில் சஞ்சரிப்பதால் இதுவரை இருந்த நெருக்கடி யாவும் முடிவிற்கு வரும். நீங்கள் எடுத்த வேலைகள் வெற்றியாகும். நினைத்த காரியங்கள் நடந்தேறும். சகாய ஸ்தானத்தில் தனக்காரகன் குருவும் சஞ்சரிப்பதால் தன்னம்பிக்கை அதிகரிக்கும். குடும்பத்தில் சுப நிகழ்ச்சிகள் நடந்தேறும். சகோதரர்களின் ஆதரவு கிடைக்கும். தொழில் நிறுவனங்கள் நடத்தி வருபவர்களுக்கு பணியாளர்கள் ஒத்துழைப்பாக இருப்பர். நவ. 30 முதல் ராசிநாதன் புதன் சாதகமாக சஞ்சரிப்பதால் வியாபாரம் தொழிலில் லாபம் அதிகரிக்கும். வேலைப்பார்க்கும் இடத்தில் நிம்மதியான நிலை உண்டாகும். வியாபாரிகளுக்கும் கலைஞர்களுக்கும் எதிர்பார்த்த ஒப்பந்தங்கள் கிடைக்கும். புதிய இடம் வீடு வாங்கும் முயற்சி வெற்றியாகும். வங்கியில் கேட்டிருந்த பணம் கைக்கு வரும். மனதில் இருந்த குழப்பம் விலகும். பெண்களுக்கு குடும்பத்தில் மரியாதை அதிகரிக்கும். கணவருடன் ஏற்பட்ட பிரச்சனைகள் விலகும். வேலைப்பார்க்கும் இடத்தில் நிம்மதியான நிலை உண்டாகும் என்றாலும், 2 ம் இடத்தில் கேது சஞ்சரிப்பதால் வார்த்தைகளின் நிதானம் அவசியம். குடும்பத்தினரை அனுசரித்துச் செல்வது நன்மையளிக்கும். விவசாயிகளுக்கு எதிர்பார்த்த பணம்வரும். நிம்மதியான நிலை ஏற்படும். வயதானவர்களுக்கு உடலில் ஏற்பட்ட சங்கடங்கள் விலகும். ஆரோக்கியம் சீராகும். மாணவர்களுக்கு படிப்பில் அக்கறை உண்டாகும்.சந்திராஷ்டமம்: டிச. 12.அதிர்ஷ்ட நாள்: நவ. 18, 23, 27. டிச. 5, 9, 14.பரிகாரம்: நரசிம்மரை வழிபட வாழ்வில் நன்மை உண்டாகும்.திருவாதிரைநினைத்ததை சாதிப்பதில் வல்லவரான உங்களுக்கு, பிறக்கும் கார்த்திகை மாதம் நிதானமாக செயல்பட வேண்டிய மாதமாகும். யோகக்காரகன் ராகு அஷ்டம ஸ்தானமான 8 ம் இடத்திலும், ஞான மோட்சக்காரகன் கேது 2 ம் இடமான தன குடும்ப வாக்கு ஸ்தானத்திலும் சஞ்சரிப்பதால் குடும்பத்தில் குழப்பம் ஏற்படும். எதிர்பார்த்த வரவு இழுபறியாகும். மறைமுகத் தொல்லைகள் உண்டாகும். சிலருக்கு உடல்நிலையில் சங்கடங்கள் தோன்றும். நீங்கள் மறைமுகமாக வைத்திருந்த ரகசியங்கள் வெளியில்வரும். சிலருக்கு அதனால் சங்கடங்கள் உண்டாகும். அதே நேரத்தில் உங்கள் சகாய ஸ்தானாதிபதி சூரியன் 6 ம் இடமான ருண ரோக சத்துரு ஜெய ஸ்தானத்தில் சஞ்சரிப்பதால் எதிர்வரும் பிரச்சனைகளை சமாளித்திடக்கூடிய நிலை உண்டாகும். வியாபாரம் தொழிலில் ஏற்பட்ட போட்டி பிரச்சனைகள் எல்லாம் இருந்த இடம் தெரியாமல் போகும். உங்கள் செல்வாக்கு உயரும். ஆரோக்கியம் மேம்படும். வழக்கு விவகாரம் சாதகமாகும். நீண்ட நாட்களாக இழுபறியாக இருந்த பிரச்சனைகள், வேலைகள் முடிவிற்குவரும். உங்கள் பூர்வ புண்ணியாதிபதி சுக்கிரன், பூர்வ புண்ணிய ஸ்தானத்தில் ஆட்சியாக சஞ்சரிப்பதால் கணவன் மனைவிக்குள் ஏற்பட்ட பிரச்சனைகள் விலகும். பிள்ளைகள் நலனில் அக்கறை கூடும். பூர்வீக சொத்தில் சுமுகமான நிலை உருவாகும். வியாபாரம் தொழிலில் ஏற்பட்ட தடைகள் நீங்கும். எதிர்பார்த்த ஆதாயம் உண்டாகும். கையில் பணம் புரளும். பொன் பொருள் சேரும். நவ. 30 வரை அனைத்திலும் எச்சரிக்கையாக இருப்பது அவசியம். உங்கள் பெயரைக் கெடுக்கும் அளவிற்கு ஒரு சிலர் செயல்படுவார்கள். அபகீர்த்திக்கும் சிலர் ஆளாகநேரும் என்பதால் பழக்க வழக்கங்களில் எச்சரிக்கையாக இருப்பது நன்மையளிக்கும். உறவினருடன் மோதல் போக்கு உண்டாகும் என்றாலும் எல்லாவற்றையும் எதிர்கொள்வீர்கள். நீங்கள் நினைத்த ஒவ்வொன்றிலும் உறுதியாக இருப்பீர்கள். உங்களை எவராலும் மாற்ற முடியாமல் போகும். நவ. 30 முதல் நிலைமை சீராகும். உங்களை நீங்களே மாற்றம் செய்து கொள்வீர்கள். வியாபாரம் தொழிலில் அக்கறை உண்டாகும். உத்தியோகம் பார்க்கும் இடத்தில் உங்களுக்கேற்பட்ட பிரச்சனைகள் முடிவிற்கு வரும். செய்துவரும் தொழில் வளர்ச்சி அடையும். பெண்களுக்கு ஏற்பட்ட நெருக்கடிகள் விலகும். நோய்நொடிகள் இருந்த இடம் தெரியாமல் போகும். தைரியமும் தன்னம்பிக்கையும் கூடும். விவசாயத்தில் ஆதாயம் ஏற்படும். மாணவர்களுக்கு மாதத்தின் பிற்பகுதியில் படிப்பில் ஆர்வம் உண்டாகும்.சந்திராஷ்டமம்: டிச. 13.அதிர்ஷ்ட நாள்: நவ. 22, 23, 31. டிச. 4, 5, 14.பரிகாரம்: பகவதி அம்மனை வழிபட சங்கடங்கள் விலகும். நன்மை உண்டாகும்.புனர்பூசம் 1, 2, 3 ம் பாதம்நியாயமான வழியில் செல்ல வேண்டும் என்ற நோக்கத்துடன் வாழ்ந்து வரும் உங்களுக்கு, பிறக்கும் கார்த்திகை மாதம் நன்மையான மாதமாகும். உங்கள் நட்சத்திராதிபதி குரு சகாய ஸ்தானத்தில் சஞ்சரிப்பதால் உங்களுக்குள் ஒரு புதிய நம்பிக்கை பிறக்கும். மாதம் முழுவதும் உங்கள் லாபாதிபதி செவ்வாயும் சகாய ஸ்தானத்தில் சஞ்சரித்து குரு மங்கள யோகம் உண்டாவதால் இதுவரை உங்களுக்கிருந்த நெருக்கடிகள் பிரச்சனைகள் யாவும் முடிவிற்குவரும். உங்கள் செல்வாக்கும் அந்தஸ்தும் உயரும். நினைத்த வேலைகள் நடந்தேறும். பணப்புழக்கம் அதிகரிக்கும். பொன் பொருள் சேரும். சகாய ஸ்தானாதிபத சூரியன் சத்துரு ஜெய ஸ்தானத்தில் சஞ்சரிப்பதால் எதிரிகளை வெல்லக்கூடிய நிலை உண்டாகும். அரசியல்வாதிகள் செல்வாக்கு உயரும். உடலில் ஏற்பட்ட பிரச்சனைகள் முடிவிற்கு வரும். வியாபாரம் தொழிலில் வளர்ச்சி உண்டாகும். வேலையில் ஏற்பட்ட சட்ட சிக்கல்கள் முடிவிற்கு வரும். வரவேண்டிய நிலுவைத் தொகை வரும். எதிர்பார்த்த இடமாற்றம் பதவி உயர்வு கிடைக்கும். நவ. 30 முதல் ராசியாதிபதி புதனும் சாதகமாக சஞ்சரிப்பதால் நிதானமாக செயல்பட்டு நினைத்ததை சாதிப்பீர்கள். வரவேண்டிய பணம் வரும். கிடைக்க வேண்டிய ஒப்பந்தம் கிடைக்கும். புதிய முயற்சிகள் வெற்றியளிக்கும். ஷேர் மார்க்கெட் கை கொடுக்கும். சொந்த வீடு என்ற கனவு நனவாகும். பெண்களுக்கு குடும்பத்தில் இருந்த நெருக்கடிகள் விலகும். வேலைப் பார்க்கும் இடத்தில் நிம்மதியான நிலை உண்டாகும். சிலருக்கு திருமணம் முடிவாகும். விவசாயிகளுக்கு ஆதாயம் கூடும். மாணவர்களுக்கு படிப்பில் இருந்த தடைகள் விலகும்.சந்திராஷ்டமம்: நவ. 17. டிச. 14.அதிர்ஷ்ட நாள்: நவ. 21, 23, 30. டிச. 3, 5, 12.பரிகாரம்: ஆபத் சகாயேஸ்வரரை வழிபட உங்கள் நிலை உயரும். நன்மை உண்டாகும்.

கடகம்:புனர்பூசம் 4 ம் பாதம்பிறருக்கு ஆலோசனைக் கூறி வழிநடத்திடக்கூடிய உங்களுக்கு, பிறக்கும் கார்த்திகை மாதம் நன்மையான மாதமாகும். தன புத்திரக்காரகன் குரு, உங்கள் ராசிக்கு 2 ம் இடமான தன குடும்ப வாக்கு ஸ்தானத்தில் சஞ்சரிப்பதால் வருமானம் அதிகரிக்கும். குடும்பத்தில் நிம்மதியான நிலை இருக்கும். உங்கள் எதிர்பார்ப்பு பூர்த்தியாகும். இழுபறியாக இருந்த வேலைகள் முடிவிற்கு வரும். குரு பகவானின் பார்வைகள் 6,8,10 ம் இடங்களுக்கு கிடைப்பதால் மறைமுகத் தொல்லைகள் விலகும். நோய் நொடிகள் இருந்த இடம் தெரியாமல் போகும். வியாபாரம் தொழில் வளர்ச்சி அடையும். வழக்கு விவகாரம் சாதகமாகும். அதிர்ஷ்ட வாய்ப்புகள் தேடிவரும். மறைமுகத் தொல்லைகள் விலகும். புதிய தொழில் தொடங்கும் முயற்சி வெற்றியாகும். உத்தியோகத்தில் இருப்பவர்களுக்கு ஏற்பட்ட நெருக்கடி நீங்கும். வேலைக்காக முயற்சி செய்து வருபவர்களுக்கு எதிர்பார்த்த தகவல் வரும். அரசியல்வாதிகள் செல்வாக்கு உயரும் என்றாலும், ஞான மோட்சக் காரகன் ஜென்ம ராசிக்குள் சஞ்சரிப்பதால் ஒவ்வொரு வேலையிலும் நிதானமும் கவனமும் தேவை. பிறரை நம்பி மேற்கொள்ளும் வேலைகளில் எதிர்பாராத சங்கடங்களை சந்திக்க வேண்டியதாக இருக்கும். எந்த ஒன்றாக இருந்தாலும் அதை நீங்களே முன்னெடுத்து செய்கின்றபோது ஆதாயம் கூடும். பெண்களுக்கு நிம்மதியான நிலை உருவாகும். பிள்ளைகள் நலனில் அக்கறை உண்டாகும். வேலைப் பார்க்கும் இடத்தில் ஏற்பட்ட பிரச்னைகள் விலகும். விவசாயிகளுக்கு ஆதாயம் கூடும். மாணவர்களுக்கு புத்திசாலித்தனம் வெளிப்படும்.சந்திராஷ்டமம்: நவ. 17. டிச. 14.அதிர்ஷ்ட நாள்: நவ. 20, 21, 29, 30. டிச. 2, 3, 11, 12.பரிகாரம்: ஏழுமலையானை வழிபட வாழ்வில் ஏற்றம் உண்டாகும்.பூசம்எடுக்கும் வேலைகளில் உறுதியாக இருக்கும் உங்களுக்கு, பிறக்கும் கார்த்திகை மாதம் நிதானமாக செயல்பட வேண்டிய மாதமாகும். மாதத்தின் முற்பகுதியில் சனி பகவான் வக்கிரம் அடைந்திருந்தாலும், நவ. 30 முதல் வக்கிர நிவர்த்தி அடைவதால் உங்கள் நீண்டநாள் கனவுகள் நனவாகும். இடையில் ஏற்பட்ட பிரச்னைகள், போராட்டங்கள் முடிவிற்கு வரும். தைரியமும் தன்னம்பிக்கையும் அதிகரிக்கும். எதிர்ப்பு விலகும். வியாபாரம் தொழிலில் ஏற்பட்ட மறைமுகத் தொல்லைகள் இருந்த இடம் தெரியாமல் போகும். எதிர்பார்த்த வருமானம் வரும். அரசியல்வாதிகளுக்கு மக்கள் செல்வாக்கு உயரும். உங்கள் ஜீவனாதிபதி செவ்வாயும் பாக்கியாதிபதி குருவும் இரண்டாமிடத்தில் சஞ்சரித்து குரு மங்கள யோகத்தை அளிப்பதால் உங்கள் செல்வாக்கு உயரும். எதிரிகளும் உங்களைக் கண்டு மரியாதை செலுத்துவர். உங்கள் செயல்பாடுகளில் மாற்றம் இருக்கும். எந்த ஒன்றிலும் உறுதியாக இருந்து செயல்படுவீர்கள். எடுக்கும் முயற்சிகள் வெற்றியாகும். செல்வம் செல்வாக்கு அந்தஸ்து உயரும். அதே நேரத்தில், புதிய நட்புகள் விஷயத்தில் மிகவும் கவனமாக இருப்பது நன்மையளிக்கும். ஜென்ம ராசிக்குள் சஞ்சரிக்கும் கேது நட்பு, தொழில், குடும்பம், உத்தியோகம் போன்றவற்றில் படிப்பினைகளை உண்டாக்கிட இருப்பதால் எந்த ஒன்றிலும் நிதானமாகவும் யோசித்தும் செயல்படுவது நன்மையளிக்கும். யார் நண்பர்? யார் துரோகி என்பதைக்கூட தெரிந்து கொள்ள முடியாமல் போகும் என்பதால் உங்கள் குடும்பத்தினரைத் தவிர மற்றவர்களிடம் ஓரடி விலகி இருப்பது நன்மையளிக்கும். செய்து வரும் வியாபாரம் தொழில் முன்னேற்றம் அடையும். குடும்பத்தில் நிம்மதி இருக்கும். கொடுத்த வாக்கை காப்பாற்ற முடியும். பெண்களுக்கு ஏற்பட்ட பிரச்னைகள் விலகும். உடல்நிலை சீராகும். கணவரின் ஆதரவு கிடைக்கும். வேலைக்காக முயற்சித்து வந்தவர்களுக்கு எதிர்பார்த்த வேலைக் கிடைக்கும். சுயதொழில் செய்து வருபவர்களுக்கு வருமானம் அதிகரிக்கும் என்றாலும், சூரியன் பூர்வ புண்ணிய புத்திர ஸ்தானத்தில் சஞ்சரிப்பதால் பிள்ளைகள் நலனில் அக்கறை எடுத்துக் கொள்வது அவசியம். மனதில் எந்தவிதமான குழப்பத்திற்கும் இடம் கொடுக்காமல் எடுத்த வேலையில் உறுதியாக இருப்பது நன்மையளிக்கும். விவசாயிகளுக்கு ஆதாயம் கூடும். உத்தியோகத்தில் இருப்பவர்களுக்கு ஏற்பட்ட நெருக்கடிகள் நீங்கும். மாணவர்களுக்கு படிப்பில் முன்னேற்றமான நிலை இருக்கும்.சந்திராஷ்டமம்: நவ. 18. டிச. 15.அதிர்ஷ்ட நாள்: நவ. 17, 20, 26, 29. டிச. 2, 8, 11.பரிகாரம்: விநாயகரை வழிபட தடைகள் விலகும். நன்மை உண்டாகும்.ஆயில்யம்நிதானமாக செயல்பட்டு எடுத்த வேலையை முடித்திடக்கூடிய உங்களுக்கு, உங்கள் சகாய ஸ்தானாதிபதி புதன் நவ. 30 வரை சுக ஸ்தானமான 4 ம் இடத்திலும், நவ. 30 முதல் பாக்கிய ஸ்தான சனி பகவான் வக்கிர நிவர்த்தி அடைவதாலும் எடுத்த வேலைகள் யாவும் வெற்றியாகும். நினைத்த காரியங்கள் நடந்தேறும். இதுவரை உங்களுக்கிருந்த நெருக்கடிகள் பிரச்னைகள் எல்லாம் இருந்த இடம் தெரியாமல் போகும். தொழிலில் நஷ்டம் கஷ்டம் என்றிருந்த நிலை மாறும்.வியாபாரிகளுக்கும் கலைஞர்களுக்கும் புதிய ஒப்பந்தம் கிடைக்கும். இழுபறியாக இருந்த வேலைகள் முடிவிற்கு வரும். வரவேண்டிய பணம் வரும். சிலருக்கு சொந்த இடம் வீடு வாங்கும் முயற்சி வெற்றியாகும். வியாபாரத்தில் ஏற்பட்ட தடைகள் விலகும். லாபம் கூடும். அரசியல்வாதிகள் நிலை உயரும். வேலையில் இருப்பவர்களுக்கு ஏற்பட்ட சங்கடங்கள் இருந்த இடம் தெரியாமல் போகும். சிலருக்கு  எதிர்பார்த்த இடமாற்றம் பதவி உயர்வு கிடைக்கும். குடும்பத்தில் நிம்மதியான நிலை இருக்கும் கொடுத்த வாக்கை காப்பாற்ற முடியும். கையில் பணம் புரளும். ஷேர் மார்க்கெட் லாபம்தரும் என்றாலும், மாதத்தின் பிற்பகுதியில் புதன் சஞ்சாரத்தின் காரணமாக உங்களுக்கு எதிராக சிலர் அவதூறு பரப்பிட வாய்ப்பிருப்பதால் சுய வாழ்க்கையிலும் ஒழுக்கத்திலும் நேர்மையாக இருப்பது நன்மையளிக்கும். வாழ்க்கைத் துணையின் ஆலோசனைகள் உங்களைப் பாதுகாக்கும். பெண்களுக்கு ஏற்பட்ட பிரச்னைகள் முடிவிற்கு வரும். குடும்பத்தில் மரியாதையும் கணவரின் ஆதரவும் கிடைக்கும். விவசாயிகளுக்கு முன்னேற்றமான நிலை உண்டாகும். மாணவர்களுக்கு மனதில் இருந்த குழப்பம் விலகும்.சந்திராஷ்டமம்: நவ. 19.அதிர்ஷ்ட நாள்: நவ. 20, 23, 29. டிச. 2, 5, 11, 14.பரிகாரம்: திருவிக்கிரமனை வழிபட வாழ்வில் நன்மை உண்டாகும். 

சிம்மம்:மகம்எந்த நிலையிலும் வாழ்ந்திடக்கூடிய உங்களுக்கு, பிறக்கும் கார்த்திகை மாதம் யோகமான மாதமாகும். ஜென்ம ராசியை விட்டு கேது விலகி இருப்பதால் இதுவரையில் உங்களுக்கு இருந்த நெருக்கடிகள் இருந்த இடம் தெரியாமல் போகும். வேலைக்காக வெளிநாடு செல்வதற்காக மேற்கொண்ட முயற்சி வெற்றியாகும். மனதில் இருந்த குழப்பம், பயம் விலகும். வியாபாரம் தொழிலில் எதிர்பார்த்த வருமானம் வரும் என்றாலும் செலவுகளும் ஏற்பட வாய்ப்பிருப்பதால் வரவு செலவில் கூடுதல் கவனம் தேவை. ருண ரோக சத்துரு ஜெய ஸ்தானமான ஆறாம் இடத்தில் சஞ்சரிக்கும் ராகு உங்கள் நிலையில் முன்னேற்றத்தை உண்டாக்குவார். ஆறாம் இடத்து ராகு  அரியணையில் ஏற்றுவார் என்ற வார்த்தைக்கேற்ப இக்காலம் உங்களுக்கு யோகமான காலமாக இருக்கும். பட்டம் பதவிகள் தேடிவரும். அரசியல்வாதிகள் செல்வாக்கு உயரும். உத்தியோகத்தில் இருப்பவர்களுக்கு ஏற்பட்ட நெருக்கடிகள் நீங்கும். உடல் நிலையில் ஏற்பட்ட பாதிப்பு இருந்த இடம் தெரியாமல் போகும். வியாபாரம் தொழிலில் தோன்றிய நெருக்கடிகள் பிரச்னைகள் விலகும். வழக்கு விவகாரங்கள் சாதகமாகும். எந்த ஒன்றிலும் உங்கள் கை ஓங்கும். பெண்களுக்கு குடும்பத்தில் ஏற்பட்ட பிரச்னைகள் வேலையில் ஏற்பட்ட நெருக்கடிகள் விலகும். ஆரோக்கியம் மேம்படும். சிலருக்கு திருமணம் கூடி வரும். நீண்ட காலமாக குழந்தை பாக்கியத்திற்காக காத்திருந்தவர்களுக்கு நல்ல தகவல் கிடைக்கும். வாழ்க்கைத் துணையின் ஆதரவு உண்டாகும். விவசாயிகளுக்கு ஏற்பட்ட நெருக்கடி நீங்கும். மாணவர்களுக்கு மாதத்தின் பிற்பகுதி யோகமாக இருக்கும்.சந்திராஷ்டமம்: நவ. 19, 20.அதிர்ஷ்ட நாள்: நவ. 25, 28. டிச. 1, 7, 10.பரிகாரம்: மாரியம்மனை வழிபட வாழ்வில் நன்மை உண்டாகும்.பூரம்முன்னேற்றத்தை நோக்கி நடைபோட்டுவரும் உங்களுக்கு, பிறக்கும் கார்த்திகை மாதம் நன்மையான மாதமாகும். உங்கள் சகாய ஸ்தானாதிபதி சுக்கிரன் சகாய ஸ்தானத்தில் ஆட்சியாக சஞ்சரிப்பதால் உங்கள் தோற்றம், செயல்களில் மாற்றம் ஏற்படும். வியாபாரம் குடும்பம் தொழில் முன்னேற்றம் அடையும். பொருளாதார நிலை உயரும். கொடுத்த வாக்கை காப்பாற்ற முடியும். பொன் பொருள் சேரும். புதிய இடம் வீடு வாகனம் வாங்கும் முயற்சி வெற்றியாகும். ஜென்ம ராசிக்குள் சஞ்சரிக்கும் குரு அலைச்சலை அதிகரித்தாலும் 5,7,9 ம் இடங்களைப் பார்ப்பதால் வாழ்க்கையில் இருந்த சங்கடங்கள் இருந்த இடம் தெரியாமல் போகும். பூர்வீக சொத்தில் ஏற்பட்ட பிரச்னைகள் விலகும். மாணவர்களுக்கு கல்வியில் முன்னேற்றம் உண்டாகும். உயர் கல்வி பயிலும் மாணவர்களுக்கு அரசின் உதவி கிடைக்கும். மனதில் இருந்த குழப்பம் விலகும். பிள்ளைகள் நலனில் அக்கறை கூடும். சிலருக்கு குழந்தை பாக்கியம் உண்டாகும். கணவன் மனைவிக்குள் ஏற்பட்ட பிரச்னைகள் முடிவிற்கு வரும். பெரியோரின் ஆதரவு கிடைக்கும். தெய்வ அனுகூலமும் உண்டாகும் என்றாலும், நவ. 30 முதல் அஷ்டம ஸ்தானத்தில் சஞ்சரிக்கும் சனி வக்கிர நிவர்த்தி அடைவதால் உடல் நிலையில் எப்போதும் கவனமாக இருப்பது நன்மையளிக்கும். சிலருக்கு மறைமுகத் தொல்லைகள், தேவையற்றப் பிரச்னைகள், அவமானங்கள் ஏற்படும் என்றாலும் உங்கள் ராசிக்கு கேந்திர ஸ்தானமான 4 ம் இடத்தில் ராசியாதிபதி கேந்திரமாக சஞ்சரிப்பதால் எதிர்வரும் சங்கடங்களை எல்லாம் சமாளிப்பீர்கள். அரசுவழி முயற்சிகள் சாதகமாகும். எந்த ஒன்றிலும் திட்டமிட்டு செயல்படுவீர்கள். உங்கள் சுக ஸ்தானாதிபதி ராசிக்குள் சஞ்சரிக்கும் குருவுடன் இணைந்து குரு மங்கள யோகத்தை உண்டாக்குவதால் உடல் நிலையிலும் மன நிலையிலும் ஏற்பட்ட சங்கடங்கள் விலகும். உங்கள் செல்வாக்கு உயரும். பண வரவு அதிகரிக்கும். இடம், வீடு, வாகனம் என்ற கனவு நனவாகும். தாய்வழி உறவுகள் ஆதரவு கிடைக்கும். பெண்களுக்கு முன்னேற்றமான நிலை இருக்கும். சிலருக்கு மாங்கல்யம் ஏறும். குழந்தை பாக்கியம் உண்டாகும். விவசாயிகளுக்கு உழைப்பு அதிகரிக்கும் விளைச்சலில் கூடுதல் கவனம் தேவைப்படும். மாணவர்களுக்கு மாதத்தின் முற்பகுதி கடினமாக இருந்தாலும் பிற்பகுதி நன்மையாக இருக்கும். வயதானவர்கள் ஆரோக்கியத்தில் கூடுதல் கவனம் செலுத்துவது அவசியம்.சந்திராஷ்டமம்: நவ. 20, 21.அதிர்ஷ்ட நாள்: நவ. 19, 24, 28. டிச. 1, 6, 10, 15.பரிகாரம்: லட்சுமி நாராயணரை வழிபட வாழ்வில் நன்மை உண்டாகும்.உத்திரம் 1 ம் பாதம்வாழ்க்கை வாழ்வதற்கே என்ற எண்ணத்துடன் வாழ்ந்து வரும் உங்களுக்கு, பிறக்கும் கார்த்திகை மாதம் நன்மையான மாதமாகும். உங்கள் சுக ஸ்தானாதிபதி செவ்வாயும், ராசிநாதன் சூரியனும் பரிவர்த்தனை அடைவதால் தன்னம்பிக்கை அதிகரிக்கும். எடுத்த வேலைகளில் வெற்றி உண்டாகும். நீண்டநாள் முயற்சிகள் முடிவிற்கு வரும்.  அரசியல்வாதிகளுக்கு ஏற்பட்ட பிரச்னைகள் விலகும். பட்டம் பதவி தேடிவரும். செல்வாக்கு உயரும். நவ. 30 முதல் உங்கள் தன குடும்பாதிபதி புதன் 4 ம் இடத்தில் சஞ்சரிப்பதால் திட்டமிட்டு செயல்படுவீர்கள். பணவரவு அதிகரிக்கும். வியாபாரிகளுக்கும் கலைஞர்களுக்கும் எதிர்பார்த்த ஒப்பந்தம் கிடைக்கும். புதிய இடம் வீடு வாகனம் வாங்கும் முயற்சி வெற்றியாகும். ருண ரோக சத்துரு ஜெய ஸ்தானத்தில் சஞ்சரிக்கும் ராகு இதுவரை உங்களுக்கிருந்த நெருக்கடிகளை எல்லாம் இல்லாமல் செய்வார். மனதில் இருந்த குழப்பம் விலகும். தைரியமாக செயல்படத் தொடங்குவீர்கள். ஜென்ம குருவின் பார்வைகள் பூர்வ புண்ணிய புத்திர ஸ்தானத்திற்கும், களத்திர மற்றும் பாக்கிய ஸ்தானத்திற்கும் உண்டாவதால் குடும்பத்தில் நிம்மதியான நிலை இருக்கும். பிள்ளைகளால் பெருமை உண்டாகும். புதிய சொத்து சேரும். பூர்வீகத்தில் ஏற்பட்ட பிரச்னைகள் விலகும். குழந்தை பாக்கியத்திற்காக காத்திருந்தவர்களுக்கு நல்ல தகவல் கிடைக்கும். திருமண வயதினருக்கு வரன் அமையும். கணவன் மனைவிக்குள் ஒற்றுமை உண்டாகும். பெரியோரின் ஆதரவு கிடைக்கும். வெளிநாடு செல்ல முயற்சித்தவர்களுக்கு அதற்குரிய வாய்ப்புகள் உண்டாகும் என்றாலும், அஷ்டம ஸ்தானத்தில் சஞ்சரிக்கும் கர்மக் காரகன் சனி பகவான் நவ. 30 முதல் வக்கிர நிவர்த்தி அடைவதால் வியாபாரம் தொழிலில் கூடுதல் கவனம் கொள்வது அவசியம். இந்த நேரத்தில் பிறரை நம்பி எந்த ஒரு வேலையினையும் ஒப்படைக்க வேண்டாம். குடும்பத்தினரை அனுசரித்துச் செல்வதும், வார்த்தைகளில் நிதானம் காப்பதும், பிள்ளைகள் நலனில் அக்கறை எடுப்பதும் நன்மையை உண்டாக்கும். பெண்களுக்கு குடும்பத்தில் ஏற்பட்ட நெருக்கடி விலகும். வியாபாரிகளுக்கு எதிர்பார்த்த முன்னேற்றம் உண்டாகும். உத்தியோகத்தில் இருப்பவர்களுக்கு நீண்ட நாட்களாக தடைபட்டு வந்த இடமாற்றம், பதவி உயர்வு தேடிவரும். விவசாயிகளுக்கு விளைச்சலில் அக்கறை தேவைப்படும். மாணவர்களுக்கு ஆசிரியர்கள் ஆலோசனை நன்மை அளிக்கும்.சந்திராஷ்டமம்: நவ. 22.அதிர்ஷ்ட நாள்: நவ. 19, 28. டிச. 1, 10.பரிகாரம்: அதிகாலையில் சூரியனை வழிபட்டு வர வாழ்வில் முன்னேற்றம் ஏற்படும்.

கன்னிஉத்திராடம் 2, 3, 4 ம் பாதம்அறிவாற்றலும் ஆத்ம பலமும் கொண்ட உங்களுக்கு, பிறக்கும் கார்த்திகை மாதம் யோகமான மாதமாகும். சகாய ஸ்தானமான மூன்றாம் இடத்தில் சஞ்சரிக்கும் சூரியன் உங்கள் முயற்சிகளை வெற்றியாக்குவர். தைரியத்தையும் தன்னம்பிக்கையையும் அதிகரிப்பார். உடல்நிலையில் முன்னேற்றத்தை உண்டாக்குவார். உத்தியோகத்தில் இருப்பவர்களுக்கு இதுவரை இருந்த நெருக்கடிகள் விலகும். மேல் அதிகாரியின் ஆதரவு கிடைக்கும். வியாபாரம் தொழிலில் ஏற்பட்ட நெருக்கடி நீங்கும். எடுக்கும் வேலைகளில் ஆதாயம் உண்டாகும். அரசியல்வாதிகள் செல்வாக்கு உயரும். குடும்பத்தில் இருந்த நெருக்கடி நீங்கும். மாதத்தின் பிற்பகுதியில் நண்பர்களை அனுசரித்துச் செல்வது அவசியம். கூட்டுத்தொழில் செய்பவர்கள் தொழிலில் நேரடி கவனம் கொள்வது நன்மையளிக்கும். சிலருக்கு கவனக்குறைவின் காரணமாக வெளியூர் பயணத்தின்போது சில இழப்புகள் உண்டாகும். உங்கள் தன குடும்பாதிபதி சுக்கிரன் ஆட்சியாக சஞ்சரிப்பதால் பொன் பொருள் சேரும். கையில் பணம் புரளும். கணவன் மனைவிக்குள் இணக்கமான நிலை உண்டாகும்.  பெண்களுக்கு வேலைப் பார்க்கும் இடத்திலும் குடும்பத்திலும் நிம்மதியான நிலை இருக்கும். உடல் நிலையில் ஏற்பட்ட பாதிப்பு விலகும். கணவரின் அன்பு கிடைக்கும். விவசாயிகளுக்கு விளைச்சலில் கூடுதல் அக்கறை தேவைப்படும். மாணவர்களுக்கு மாதத்தின் முற்பகுதி முன்னேற்றமாக இருக்கும்.சந்திராஷ்டமம்: நவ. 22.அதிர்ஷ்ட நாள்: நவ. 19, 23, 28. டிச. 1, 5, 10, 14.பரிகாரம்: தில்லை நடராஜரை வழிபட வாழ்வில் முன்னேற்றம் உண்டாகும்.அஸ்தம்திட்டமிட்டு செயல்படுவதில் வல்லவரான உங்களுக்கு, பிறக்கும் கார்த்திகை மாதம் முன்னேற்றமான மாதமாகும். உங்கள் ராசிக்கு லாப ஸ்தானத்தில் சஞ்சரிக்கும் ஞான மோட்சக்காரகன் கேது வருமானத்தை அதிகரிப்பார். வியாபாரம் தொழிலில் ஏற்பட்ட நெருக்கடிகளை இல்லாமல் செய்வார். புதிய முயற்சிகளை வெற்றியாக்குவார். வெளிநாட்டு முயற்சிகளை சாதகமாக்குவார். பெரியோரின் ஆதரவை உண்டாக்குவார். அதே நேரத்தில், பூர்வ புண்ணிய ஸ்தானத்தில் சஞ்சரிக்கும் ராகு, மனதில் குழப்பத்தையும் பிள்ளைகள் மற்றும் பூர்வீக சொத்தில் சங்கடங்களையும் ஏற்படுத்துவார். புதிய நட்புகளையும் இந்த நேரத்தில் ஏற்படுத்துவார். அவர்கள் வழியாக தங்கள் பாதையும் சிலருக்கு மாறும். சப்தம ஸ்தானத்தில் சஞ்சரித்துவரும் கர்மக்காரன் சனி பகவான் நவ. 30 முதல் வக்கிர நிவர்த்தி அடைவதால், நண்பர்களிடையே பிரச்னை அதிகரிக்கும். நன்றாகப் பழகி வந்தவர்களும் எதிராக மாறுவர். கணவன் மனைவிக்குள்ளும் இணக்கம் இல்லாமல் போகும். எதை எடுத்தாலும் அங்கே ஒரு பிரச்னை உருவாகும். சிலருக்கு ஆரோக்கியத்தில் எதிர்பாராத சங்கடங்கள் உண்டாகும். தந்தையின் ஆரோக்கியத்தில் கூடுதல் கவனம் தேவைப்படும். மாதத்தின் முற்பகுதியில் ராசிநாதன் புதன் சாதகமாக சஞ்சரிப்பதால் ஆதாயம் கூடும். திட்டமிட்டு செயல்படுவீர்கள். கையில் பணம் புரளும். சிலருக்கு எதிர்பார்த்த ஒப்பந்தம் கிடைக்கும். தடைபட்ட வேலைகள் நடந்தேறும் பெண்களுக்கு உடல் ரீதியாகவும் மனரீதியாகவும் ஏற்பட்ட பிரச்னைகள் விலகும். உத்தியோகத்தில் இருப்பவர்களுக்கு எதிர்பார்த்த இடமாற்றம் பதவி உயர்வு கிடைக்கும். செல்வாக்கு உயரும். அரசியல்வாதிகளுக்கு மூன்றாம் இட சூரியன் முன்னேற்றத்தை உண்டாக்குவார். விவசாயிகளுக்கு எதிர்பாராத நெருக்கடி ஏற்பட வாய்ப்பிருப்பதால் கவனமாக இருப்பது நன்மையாகும். மாணவர்கள் புதிய நண்பர்களிடம் கவனமாக இருப்பது அவசியம்.சந்திராஷ்டமம்: நவ. 23.அதிர்ஷ்ட நாள்: நவ. 20, 29. டிச. 2, 5, 11, 14.பரிகாரம்: மீனாட்சி சுந்தரேசுவரரை வழிபட எடுக்கும் வேலை வெற்றியாகும்.சித்திரை 1, 2 ம் பாதம்நினைத்ததை சாதிப்பதில் உறுதியாக இருக்கும் உங்களுக்கு, பிறக்கும் கார்த்திகை மாதம் திட்டமிட்டு செயல்பட வேண்டிய மாதமாகும். தைரிய காரகன் செவ்வாய் விரய ஸ்தானத்தில் சஞ்சரித்தாலும், விரய ஸ்தானாதிபதியுடன் பரிவர்த்தனை பெறுவதால் வீண் செலவுகள் குறையும். திட்டமிட்ட வேலைகள் நடந்தேறும். குழப்பம் விலகும். அரசுவழி முயற்சிகள் சாதகமாகும். புதிய இடம் வீடு வாங்கும் முயற்சி வெற்றியாகும். உங்கள் சப்தமாதிபதி குருவின் பார்வைகள் 4,6,8 ம் இடங்களுக்கு கிடைப்பதால் தாய்வழி உறவுகள் ஆதரவு கிடைக்கும். சிலர் புதிய வாகனம் வாங்குவீர்கள். இருக்கும் வீட்டை உங்கள் வசதிக்கேற்ப மாற்றி அமைப்பீர்கள். மனதில் நிம்மதி இருக்கும். உடலில் ஏற்பட்ட சங்கடங்கள் பிரச்னைகள் எல்லாம் இருந்த இடம் தெரியாமல் போகும். வழக்கு விவகாரம் சாதகமாகும். வியாபாரம் தொழிலில் ஏற்பட்ட போட்டி நெருக்கடி நீங்கும். திடீர் வாய்ப்புகள் தேடிவரும். மறைமுகமாக தொல்லைகள் கொடுத்தவர்கள் விலகிச்செல்வர். ராசிநாதன் புதன் நவ. 30 வரை சாதகமாக சஞ்சரிப்பதால் கையில் பணம் புரளும். நினைத்ததை சாதித்துக் கொள்ள முடியும். கணவன் மனைவிக்குள் மகிழ்ச்சியான நிலை இருக்கும். உத்தியோகத்தில் இருப்பவர்களுக்கு நீண்ட நாள் பிரச்னைகள் முடிவிற்குவரும். அரசியல்வாதிகளுக்கு தலைமையின் ஆதரவு கிடைக்கும். சிலருக்கு எதிர்பார்த்த பொறுப்பு பதவி தேடிவரும். தொண்டர்கள் பலம் கூடும் என்றாலும், சப்தம ஸ்தானத்தில் சஞ்சரிக்கும் சனி பகவான் நவ. 30 முதல் வக்கிர நிவர்த்தி அடைவதால் அனைத்திலும் நிதானமாக இருப்பது நன்மையளிக்கும். பிறரை நம்பி மேற்கொள்ளும் வேலைகள் எதிர்பார்த்த லாபத்தை வழங்காமல் போகும். பணியாளர்களும் உங்கள் மனதைப் புரிந்து கொள்ளாமல் செயல்படுவார்கள் என்பதால், இக்காலத்தில் அனைத்திலும் உங்கள் நேரடி கண்காணிப்பு அவசியம். மனதில் தேவையற்ற சிந்தனைகள் உருவாக வாய்ப்பிருப்பதால் மனதை ஒருமுகப்படுத்தி செயல்படுவது இக்காலத்தில் நன்மையளிக்கும். இந்த நேரத்தில் தேவையற்ற விவகாரங்களில் உங்களை ஈடுபடுத்திக் கொள்ள வேண்டாம். வயதானவர்கள் உடல்நிலையில் கவனமாக இருப்பது அவசியம். விவசாயிகள் விளைச்சலில் கவனமாக இருப்பது நன்மையளிக்கும். மாணவர்கள் ஆசிரியர்கள் ஆலோசனையை ஏற்பது அவசியம்.சந்திராஷ்டமம்: நவ. 24.அதிர்ஷ்ட நாள்: நவ. 18, 23, 27. டிச. 5, 9, 14.பரிகாரம்: தண்டாயுதபாணியை வழிபட சங்கடங்கள் விலகும். நன்மை உண்டாகும்.

துலாம்சித்திரை 3, 4 ம் பாதம்எடுக்கும் முயற்சியில் உறுதியாக இருக்கும் உங்களுக்கு, பிறக்கும் கார்த்திகை மாதம் யோகமான மாதமாகும். லாப ஸ்தானத்தில் சஞ்சரிக்கும் தைரிய வீரிய பராக்கிரமக் காரகன் செவ்வாய் உங்களை முன்னேற்றப் பாதையில் நடைபோட வைப்பார். செல்வாக்கையும் அந்தஸ்தையும் உயர்த்துவார். ஆரோக்கியமாக நடைபோட வைப்பார். வியாபாரம் தொழிலில் முன்னேற்றத்தை ஏற்படுத்துவார். பொருளாதார நிலையை உயர்த்துவார். கடந்த மாதத்தில் இருந்த நெருக்கடி, போராட்டம் விலகும். தைரியமும் தன்னம்பிக்கையும் அதிகரிக்கும். புதிய இடம் வீடு வாங்கும் முயற்சி வெற்றியாகும். பெரியோரின் ஆதரவு கிடைக்கும். அரசியல்வாதிகள் செல்வாக்கு உயரும். வேலையில் இருப்பவர்களுக்கு நிம்மதியான நிலை உண்டாகும். ராசியாதிபதி சுக்கிரன் ஆட்சியாக சஞ்சரிப்பதால் வரவேண்டிய பணம் வரும். குடும்பத்தில் மகிழ்ச்சியான நிலை இருக்கும். கணவன் மனைவிக்குள் இணக்கம் உண்டாகும். பெண்களுக்கு வேலைப்பார்க்கும் இடத்திலும் குடும்பத்திலும் நிம்மதி இருக்கும். சிலருக்கு குழந்தை பாக்கியம் உண்டாகும். திருமண வயதினருக்கு தகுதியான வரன் வரும். வெளிநாட்டு முயற்சிகள் சாதகமாகும். பொன் பொருள் சேரும். வியாபாரிகளுக்கு எதிர்பார்த்த ஒப்பந்தம் கிடைக்கும். விவசாயிகளுக்கு ஆதாயம் அதிகரிக்கும். மாணவர்கள் படிப்பில் ஏற்பட்ட சங்கடம் விலகும்.சந்திராஷ்டமம்: நவ. 24.அதிர்ஷ்ட நாள்: நவ. 18, 27. டிச. 6, 9, 15.பரிகாரம்: வைத்தியநாத சுவாமியை வழிபட வாழ்வில் நன்மை உண்டாகும்.சுவாதிதிட்டங்கள் தீட்டி அதைநோக்கி நடைபோட்டுவரும் உங்களுக்கு, பிறக்கும் கார்த்திகை மாதம் நன்மையான மாதமாகும். பூர்வ புண்ணிய ஸ்தானத்தில் சஞ்சரித்து வந்த ராகு அங்கிருந்து விலகி இருப்பதால், குடும்பத்தில் இருந்த நெருக்கடிகள் நீங்கும். பூர்வீக சொத்தில் ஏற்பட்ட பிரச்னைகள் முடிவிற்குவரும். பிள்ளைகளால் ஏற்பட்ட சங்கடங்கள் நீங்கும். மனதில் இருந்த குழப்பம் விலகும் என்றாலும், வேலை, தொழில் என்று அனைத்திலும் உழைப்பு அதிகரிக்கும். தாய்வழி உறவுகளுடன் ஒரு இடைவெளி ஏற்படும். அதேநேரத்தில் ஞான மோட்சக்காரகன் கேது ஜீவன ஸ்தானமான 10 ம் இடத்தில் சஞ்சரிப்பதால் செய்துவரும் தொழிலில் வருமானம் கூடும். வருமானத்தின்மீது கவனம் அதிகரிக்கும். திட்டமிட்டு செயல்படத் தொடங்குவீர்கள். மருத்துவம், ஜோதிடம், ஆன்மீகம் சார்ந்த தொழில்களில் ஈடுபட்டிருப்பவருக்கும் கடுமையாக உழைப்பவர்களுக்கும் ஆதாயம் கூடும். ஏற்றுமதி இறக்குமதி தொழில் ஆதாயம் தரும். ருண, ரோக, சத்ரு ஜெய ஸ்தானத்தில் சஞ்சரித்துவரும் கர்மக்காரகன் சனி பகவான் நவ. 30 முதல் வக்கிர நிவர்த்தி அடைவதால், எடுத்த வேலை வெற்றியாகும். நினைத்த காரியங்கள் நடந்தேறும். இழுபறியாக இருந்த வேலைகள் முடிவிற்குவரும். உங்கள் செல்வாக்கும் அந்தஸ்தும் உயரும். அரசியல்வாதிகள் நிலையில் எதிர்பார்த்த முன்னேற்றம் உண்டாகும். வழக்கு விவகாரங்கள் சாதகமாகும். உடலில் இருந்த நோய் நொடிகள் விலகும். வியாபாரத்தில் ஏற்பட்ட போட்டி பிரச்னை எல்லாம் இருந்த இடம் தெரியாமல் போகும். பெண்களுக்கு உடல்நிலை சீராகும். குடும்பத்தில் மரியாதை அதிகரிக்கும். பொன் பொருள் சேரும். விவசாயிகளுக்கு எதிர்பார்த்த லாபம் கிடைக்கும். மாணவர்களுக்கு புத்திசாலித்தனம் கூடும். எதிர்காலம் பற்றிய சிந்தனை உண்டாகும்.சந்திராஷ்டமம்: நவ. 24, 25.அதிர்ஷ்ட நாள்: நவ. 22, டிச. 4, 6, 13, 15.பரிகாரம்: பிரத்தியங்கிராவை வழிபட சங்கடங்கள் விலகும். வாழ்வில் நன்மை உண்டாகும்.விசாகம் 1, 2, 3 ம் பாதம்பிறருக்கு வழிகாட்டுவதில் முதன்மையானவராக இருக்கும் உங்களுக்கு, பிறக்கும் கார்த்திகை மாதம் முன்னேற்றமான மாதமாகும். தன புத்திர காரகன் குருபகவான் லாப ஸ்தானத்தில் சஞ்சரிப்பதுடன், 3, 5, 7 ம் இடங்களையும் பார்க்கிறார். இதனால் இதுவரை இருந்த நெருக்கடிகள் எல்லாம் இருந்த இடம் தெரியாமல் போகும். தைரியமும் தன்னம்பிக்கையும் கூடும். எடுத்த வேலையை முடித்து அதில் ஆதாயமும் அடைவீர்கள். தகவல் தொடர்பு துறைகளிலும், பத்திரிகை, யூட்யூப், மீடியா, ஐ.டி தொழில்களில் ஈடுபட்டிருப்போர் எதிர்பார்ப்பு பூர்த்தியாகும். கிரியேட்டியர்கள் மதிப்பு உயரும். நீண்டநாளாக இழுபறியாக இருந்த வேலைகள் முடிவிற்கு வரும். மனதில் நிம்மதி உண்டாகும். குடும்பத்தில் சுபிட்சமான நிலை இருக்கும். பிள்ளைகளால் பெருமை ஏற்படும். திருமண வயதினருக்கு வரன் வரும். கருத்து வேறுபாட்டால் விவாகரத்துவரை சென்றவர்கள்கூட மீண்டும் இணைந்து வாழக்கூடிய நிலை உண்டாகும். ஜென்ம ராசிக்குள் சஞ்சரிக்கும் ராசிநாதனும், உங்கள் பாக்கியாதிபதி புதனும், லாப ஸ்தானத்தில் சஞ்சரிக்கும் செவ்வாயும் குருவும் கார்த்திகை மாதத்தில் உங்கள் வாழ்வை வளமாக்குவர். மற்றவர் அதிசயக்கத்தக்க வகையில் உங்கள் நிலை உயரும். அரசியல்வாதிகள் செல்வாக்கு கூடும். பட்டம் பதவி தேடிவரும். உத்தியோகத்தில் இருப்பவர்களுக்கு இழுபறியாக இருந்த வேலைகள் முடிவிற்கு வரும். எதிர்பார்த்த இடமாற்றம் பதவி உயர்வு கிடைக்கும். வியாபாரிகளுக்கு கடந்த காலத்தில் ஏற்பட்ட சங்கடங்கள் விலகும்.  லாபம் அதிகரிக்கும். சேமிப்பு உயரும். சிலருக்கு புதிய இடம் வீடு வாகனம் என்ற கனவு நனவாகும். பெண்களுக்கு மகிழ்ச்சியான நிலை இருக்கும். விவசாயிகளுக்கு இந்த மாதம் ஆதாயமான மாதமாக இருக்கும். மாணவர்கள் திறமையாக செயல்படக்கூடிய நிலை உருவாகும்.சந்திராஷ்டமம்: நவ. 25, 26.அதிர்ஷ்ட நாள்: நவ. 21, 24, 30. டிச. 3, 6, 12, 15.பரிகாரம்: வேதபுரீஸ்வரரை வழிபட வாழ்வில் நன்மை உண்டாகும்.

விருச்சிகம்விசாகம் 4 ம் பாதம்அறிவாற்றல் மிக்கவரான உங்களுக்கு, பிறக்கும் கார்த்திகை மாதம் திட்டமிட்டு செயல்பட வேண்டிய மாதமாகும். உங்கள் ராசியாதிபதி செவ்வாயும், உங்கள் ராசிக்கு 2, 5 க்கும் அதிபதியான குரு பகவானும் ஜீவன ஸ்தானத்தில் சஞ்சரிப்பதால் சூழ்நிலை அறிந்து செயல்படக்கூடிய நிலை உண்டாகும். காலம் உங்களுக்கு சாதகமாக இருக்கும். எடுத்த வேலை வெற்றியாகும்.  வேலையில் ஏற்பட்ட நெருக்கடி நீங்கும். சிலருக்கு எதிர்பார்த்த இடமாற்றம் கிடைக்கும். அரசுவழியில் ஆதாயம் கூடும். அரசியல்வாதிகளுக்கு கடந்த காலத்தில் ஏற்பட்ட நெருக்கடி நீங்கும். தலைமையின் ஆதரவு கிடைக்கும். சிலருக்கு புதிய பொறுப்பு தேடி வரும். வியாபாரம் தொழில் வளர்ச்சி அடையும். விருப்பம் நிறைவேறும். தன, குடும்ப, வாக்கு ஸ்தானத்தையும், சுகம் மற்றும் சத்துரு ஜெய ஸ்தானத்தையும் குரு பார்ப்பதால் கையில் பணம் புரளும். குடும்பத்தில் நிம்மதி இருக்கும். கொடுத்த வாக்கை காப்பாற்ற முடியும். உங்கள் எதிர்பார்ப்புகள் பூர்த்தியாகும். மகிழ்ச்சி அதிகரிக்கும். தாய்வழி உறவுகள் ஆதரவு கிடைக்கும். இழுபறியாக இருந்த வேலைகள் முடிவிற்குவரும். வருமானத்தில் ஏற்பட்ட தடைகள் விலகும். வரவேண்டிய பணம் வரும். போட்டியாளர்கள் உங்களை விட்டு விலகிச்செல்வர். ஆரோக்கியம் மேம்படும். வழக்கு விவகாரம் சாதகமாகும். சிலருக்கு, சொந்த இடம் வீடு என்ற கனவு நனவாகும். பெண்களுக்கு உடல் நிலையிலும் மன நிலையிலும் தெளிவு ஏற்படும். குடும்பத்தில் மதிப்பு அதிகரிக்கும். வேலையில் ஏற்பட்ட போராட்டநிலை மாறும். விவசாயிகளுக்கு ஆதாயம் இருக்கும். மாணவர்கள் படிப்பில் கூடுதல் கவனம் செலுத்துவது அவசியம்.சந்திராஷ்டமம்: நவ. 26.அதிர்ஷ்ட நாள்: நவ. 18, 21, 27, 30. டிச. 3, 9, 12.பரிகாரம்: செந்தில்வேலனை வழிபட வாழ்வில் முன்னேற்றம் உண்டாகும்.அனுஷம்எந்த நிலையிலும் நிதானத்தை இழக்காத உங்களுக்கு, பிறக்கும் கார்த்திகை மாதம் நன்மையான மாதமாகும். பூர்வ புண்ணிய ஸ்தானத்தில் சஞ்சரிக்கும் சனிபகவான் நவ. 30 முதல் வக்கிர நிவர்த்தி அடைவதால், உறவுகளுக்கும் உங்களுக்கும் ஒரு இடைவெளி ஏற்படும். பிள்ளைகள் பற்றிய கவலை அதிகரிக்கும். பூர்வீக சொத்தில் எதிர்பாராத பிரச்னை உண்டாகும். உங்கள் மனம் குழப்பத்திற்கு ஆளாகும் என்றாலும், 3 ம் இடமான தைரிய வீரிய பராக்கிரம ஸ்தானத்தில் யோகக்காரகன் ராகு, சனி பகவானின் பலத்துடன் சஞ்சரிப்பதால் எல்லாவற்றையும் சமாளித்து முன்னேற்றம் அடையக்கூடிய நிலை உங்களுக்கு உண்டாகும். தைரியம் தன்னம்பிக்கை அதிகரிக்கும். பெரியோருடைய ஆதரவு கிடைக்கும். தெய்வ அருளும் உண்டாகும். வியாபாரத்தில் ஏற்பட்ட நெருக்கடி நீங்கும். புதிய முயற்சிகள் சாதகமாகும். நீண்ட நாட்களாக இழுபறியாக இருந்த வேலைகள் முடிவிற்கு வரும். கடன் தொல்லை விலகும். மனதில் இருந்த குழப்பம் இருந்த இடம் தெரியாமல் போகும். நவ. 30 முதல் உங்கள் லாபாதிபதி புதன் ராசிக்குள் சஞ்சரிப்பதால் பயணம் அதிகரிக்கும். பயணத்தின் வழியே ஆதாயமும் உண்டாகும். இடம் வீடு வாங்குவது விற்பது போன்ற முயற்சிகளில் ஏற்பட்ட தடைகள் விலகும். திட்டமிட்டு செயல்பட்டு நினைத்ததை உங்களால் சாதித்துக்கொள்ள முடியும். பெண்களுக்கு குடும்பத்தில் ஏற்பட்ட நெருக்கடி நீங்கும். கணவரின் ஆதரவு கிடைக்கும். உடல்நிலையில் முன்னேற்றம் ஏற்படும். உத்தியோகத்தில் இருப்பவர்கள் எதிர்பார்த்த இடமாற்றத்தையும் உயர்வையும் அடைவர். வேலையில் ஏற்பட்ட நெருக்கடி நீங்கும். விவசாயிகளுக்கு மனதில் இருந்த சங்கடம் விலகும். விளைச்சலில் எதிர்பார்த்த ஆதாயம் கிடைக்கும். மாணவர்களுக்கு மாதத்தின் பிற்பகுதி யோகமாக இருக்கும்.சந்திராஷ்டமம்: நவ. 26, 27.அதிர்ஷ்ட நாள்: நவ. 17, 18. டிச. 8, 9.பரிகாரம்: குலதெய்வத்தை வழிபட வாழ்வில் வளம் உண்டாகும்.கேட்டைவிவேகத்துடனும் செயல்படக்கூடிய உங்களுக்கு, பிறக்கும் கார்த்திகை மாதம் திட்டமிட்டு செயல்பட வேண்டிய மாதமாகும். உங்கள் லாபாதிபதி புதன் மாதத்தின் தொடக்கத்தில் விரய ஸ்தானத்தில் சஞ்சரிப்பதால் வீண் செலவுகள் அதிகரிக்கும். எதிர்பார்ப்புகள் இழுபறியாகும். அலைச்சலும் கூடும். உடல்நிலையில் சிலருக்கு பாதிப்பு ஏற்படும் என்றாலும், உங்கள் ஜீவனாதிபதி சூரியனும் ராசிநாதன் செவ்வாயும் பரிவர்த்தனை அடைவதால் நினைத்ததை சாதிப்பீர்கள். தடைபட்ட வேலைகள் நடந்தேறும். வியாபாரம் தொழிலில் ஏற்பட்ட நெருக்கடி நீங்கும். அரசு வழியில் ஆதாயம் உண்டாகும். சொந்த இடம் வீடு வாகனம் வாங்கும் முயற்சி வெற்றியாகும். வியாபாரத்தில் ஏற்பட்ட சங்கடங்கள் இருந்த இடம் தெரியாமல் போகும். உங்கள் சப்தமாதிபதியும் விரயாதிபதியுமான சுக்கிரன் விரய ஸ்தானத்தில் ஆட்சியாக சஞ்சரிப்பதால் முதலீட்டிற்கேற்ற ஆதாயம் கிடைக்கும். கையில் பணம் புரளும். கணவன் மனைவிக்குள் இணக்கமான நிலை உண்டாகும். ஒருவரை ஒருவர் புரிந்து கொண்டு செயல்படுவீர்கள். மாதத்தின் பிற்பகுதியில் திடீர் பயணம் ஏற்படும். சிலருக்கு வெளிநாட்டு யோகம் உண்டாகும். ஏற்றுமதி இறக்குமதி விற்பனையில் எதிர்பார்த்த ஆதாயம் கிடைக்கும். ரியல் எஸ்டேட், உணவகம், மருத்துவம், கெமிக்கல், விவசாயம் தொழில்களில் ஈடுபட்டு இருப்பவர்களுக்கு ஆதாயம் அதிகரிக்கும். பெண்களுக்கு மனதில் நிம்மதியான நிலை உண்டாகும். குடும்பத்திலும், வேலைப் பார்க்கும் இடத்திலும் மரியாதை கூடும். கணவரின் அன்பு அதிகரிக்கும். பொன் பொருள் சேரும். நவ. 30 முதல் பூர்வ புண்ணிய புத்திர ஸ்தானத்தில் சஞ்சரிக்கும் சனியின் பார்வை உங்கள் நட்பு ஸ்தானத்திற்கு உண்டாவதால் புதிய நண்பர்களிடம் எச்சரிக்கை அவசியம். ஓரடி விலகி இருப்பது நன்மையை உண்டாக்கும். மாணவர்கள் படிப்பில் அக்கறை எடுப்பதும் ஆசிரியர்கள் ஆலோசனையை ஏற்பதும் நன்மை அளிக்கும்.சந்திராஷ்டமம்: நவ. 27, 28.அதிர்ஷ்ட நாள்: நவ. 18, 23, டிச. 5, 9, 14.பரிகாரம்: வீரராகவ பெருமாளை வழிபட எடுத்த வேலை வெற்றியாகும்.

தனுசுமூலம்நடப்பவை யாவும் நன்மைக்கே என்று வாழ்ந்து வரும் உங்களுக்கு, பிறக்கும் கார்த்திகை மாதம் கவனமாக செயல்பட வேண்டிய மாதமாகும். ஞான மோட்சக்காரகன் கேது அஷ்டம ஸ்தானத்தில் சஞ்சரிப்பதால் மனதில் இனம் புரியாத குழப்பம் ஏற்படும். செய்யாத தவறுக்கும் சிலர் தண்டனைகளை அனுபவிக்க வேண்டி வரும். நன்றாகப் பழகி வந்தவர்களும் இந்த நேரத்தில் உங்களுக்கு மறைமுகமாக தொல்லைகள் கொடுப்பர். இரண்டாம் இடத்தில் யோகக்காரகன் ராகு சஞ்சரிப்பதால் குடும்பத்தில் சிக்கல்களும் பிரச்னைகளும் ஏற்படும். பணவரவில் எதிர்பாராத தடை உண்டாகும். கொடுத்த வாக்கை காப்பாற்ற முடியாமல் போகும். இந்த நேரத்தில் உங்கள் பாக்கியாதிபதி சூரியன் விரய ஸ்தானத்தில் சஞ்சரிப்பதால் அரசுவழி முயற்சிகள் இழுபறியாகும். உத்தியோகத்தில் இருப்பவர்களுக்கு எதிர்பாராத இடமாற்றம், மேலதிகாரிகளால் சங்கடம் என்று எதிர்மறையான பலன்கள் ஏற்படும். வீண் செலவுகள் அதிகரிக்கும். உடல் நிலையிலும் மன நிலையிலும் பின்னடைவு உண்டாகும். வியாபாரிகளுக்கு ஒவ்வொரு நாளும் போராடி வெற்றிபெற வேண்டிய நாளாக இருக்கும். 4 ம் இடமான சுக ஸ்தானத்தில் சஞ்சரித்து வரும் சனி பகவான் நவ. 30 முதல் வக்கிர நிவர்த்தி அடைவதால் தொழில் வியாபாரத்தில் கூடுதல் கவனம் தேவைப்படும். உத்தியோகத்தில் இருப்பவர்கள் நேர்மையாக செயல்படுவது நன்மை அளிக்கும். அரசியல்வாதிகளுக்கு எதிர்பார்ப்பு இடுப்பறியாகும். ஜென்ம ராசிக்கும் சனி பகவானின் பார்வை உண்டாவதால் முயற்சியில் தடைகளும் நினைப்பது ஒன்றாகவும் நடப்பது வேறாகவும் இருக்கும். பெண்களுக்கு உடல்நிலையில் சிறுசிறு பாதிப்புகள் வந்துபோகும். வேலைப்பார்க்கும் இடத்தில் நெருக்கடி அதிகரிக்கும். விவசாயிகளுக்கு நிம்மதியான நிலை உண்டாகும். மாணவர்களுக்கு மாதத்தின் முற்பகுதி யோகமாக இருக்கும்.சந்திராஷ்டமம்: நவ. 28, 29.அதிர்ஷ்ட நாள்: நவ. 21, 25, 30. டிச. 3, 7, 12.பரிகாரம்: நரசிம்மரை வழிபட சங்கடங்கள் விலகும். நன்மை உண்டாகும்.பூராடம்எந்த ஒன்றிலும் போராடி வெற்றிபெறக்கூடிய உங்களுக்கு, பிறக்கும் கார்த்திகை மாதம் நன்மையான மாதமாகும். உங்கள் ராசிக்கு லாபாதிபதியான சுக்கிரன் லாப ஸ்தானத்தில் ஆட்சியாக சஞ்சரிப்பதால் பொன், பொருள் சேரும். குடும்பத்தில் நிம்மதியான நிலை இருக்கும். பெரியோரின் ஆதரவு கிடைக்கும். வாழ்க்கைத்துணையுடன் ஏற்பட்ட நெருக்கடி நீங்கும். புதிய நண்பர்களால் உங்கள் எதிர்பார்ப்பு பூர்த்தியாகும். மாதத்தின் முற்பகுதியில் உங்கள் ஜீவனாதிபதி புதனும் சாதகமாக சஞ்சரிப்பதால் புதிய இடம் வீடு வாங்கும் முயற்சி வெற்றியாகும். வியாபாரிகளுக்கும் கலைஞர்களுக்கும் எதிர்பார்த்த ஒப்பந்தம் கிடைக்கும். கேட்ட இடத்திலிருந்து பணம் வரும். செல்வாக்கு அதிகரிக்கும் என்றாலும், அஷ்டமக் கேதுவால் அவ்வப்போது சில நெருக்கடிகளும் தோன்றும். மனம் சங்கடத்திற்கு ஆளாகும். மறைமுகத் தொல்லைகளால் வேதனை அதிகரிக்கும். அரசு வழியிலும் எதிர்பார்த்த உதவி கிடைக்காமல் போகும். வம்பு வழக்கு பிரச்னை என்று சிலருக்கு சங்கடங்கள் அதிகரிக்கும். பெண்களுக்கு குடும்பத்தில் ஏற்பட்ட பிரச்னைகள் விலகும். வேலையில் இருந்த நெருக்கடி நீங்கும். நட்பின் ஆதரவால் நீண்டநாள் முயற்சி வெற்றியாகும். வரவு அதிகரிக்கும். பொன் பொருள் சேரும். விவசாயிகளுக்கு விளைச்சலில் எதிர்பார்த்த லாபம் கிடைக்கும். மாணவர்கள் படிப்பில் கூடுதல் கவனம் செலுத்துவது நன்மை அளிக்கும்.சந்திராஷ்டமம்: நவ. 29, 30.அதிர்ஷ்ட நாள்: நவ. 21, 24. டிச. 3, 6, 12, 15.பரிகாரம்: மகாலட்சுமியை வழிபட மனதில் இருந்த குழப்பம் விலகும்.உத்திராடம் 1 ம் பாதம்நினைப்பதை சாதிப்பதில் வல்லவரான உங்களுக்கு, பிறக்கும் கார்த்திகை மாதம் கவனமாக செயல்பட வேண்டிய மாதமாகும். உங்கள் பாக்கியாதிபதி சூரியன் விரய ஸ்தானத்தில் சஞ்சரிப்பதால் வரும் வருமானம் எல்லாம் மறுபக்கம் போய்க் கொண்டிருக்கும். தேவையற்ற செலவுகளால் நெருக்கடி உண்டாகும். மனதிலும் நிம்மதி இல்லாத நிலை இருக்கும் என்றாலும், பாக்கிய ஸ்தானத்தில் சஞ்சரிக்கும் ராசிநாதன் குரு பகவானும், பூர்வ புண்ணியாதிபதி செவ்வாயும் உங்களுக்கு முன்னேற்றத்தை உண்டாக்குவர். உங்கள் ராசிக்கு குருப்பார்வை உண்டாவதால் எத்தனை நெருக்கடிகள் வந்தாலும் அவற்றை எல்லாம் சமாளித்திடக்கூடிய நிலை உண்டாகும். சமூகத்தில் உங்களுக்கென்று தனி இடம் உண்டாகும். பட்டம் பதவி என்ற எதிர்பார்ப்பு பூர்த்தியாகும். நீண்டநாள் கனவுகள் நனவாகும். திருமண வயதினருக்கு வரன் வரும். சொந்த இடம் வீடு வாங்கும் முயற்சி வெற்றியாகும். கணவன் மனைவிக்குள் ஏற்பட்ட நெருக்கடிகள் நீங்கும். சிலருக்கு குழந்தை பாக்கியம் உண்டாகும். பூர்வீக சொத்தில் ஏற்பட்ட பிரச்னைகள் முடிவிற்கு வரும். பெண்களுக்கு தைரியமும் தன்னம்பிக்கையும் கூடும். பெரியோரின் ஆதரவு கிடைக்கும். வேலைப் பார்க்கும் இடத்தில் நிம்மதியான நிலை உண்டாகும். பொன் பொருள் சேரும். விவசாயிகளுக்கு ஏற்பட்ட நெருக்கடி நீங்கும். வரவு அதிகரிக்கும். உயர்கல்வி பயிலும் மாணவர்களுக்கு ஏற்பட்ட பிரச்னைகள் விலகும்.சந்திராஷ்டமம்: நவ. 30.அதிர்ஷ்ட நாள்: நவ. 19, 21, 28. டிச. 1, 3, 10, 12.பரிகாரம்: ராஜ கணபதியை வழிபட எடுத்த வேலைகள் வெற்றியாகும்.

மகரம்உத்திராடம் 2, 3, 4 ம் பாதம்முயற்சியால் முன்னேற்றம் அடைந்துவரும் உங்களுக்கு, பிறக்கும் கார்த்திகை மாதம் யோகமான மாதமாகும். 11 ம் இடமான லாப ஸ்தானத்தில் ஆத்ம காரகன் சூரியன் சஞ்சரிப்பதால் நெருக்கடிகள் விலகும். வியாபாரம் தொழிலில் முன்னேற்றம் உண்டாகும். வரவேண்டிய பணம் வரும். சிலருக்கு புதிய சொத்து சேரும். குடும்பத்திலிருந்த நெருக்கடி நீங்கும். அரசுவழி முயற்சிகள் சாதகமாகும். உத்தியோகத்தில் இருப்பவர்களுக்கு நீண்டநாள் முயற்சி வெற்றியாகும். விரும்பிய இடத்திற்கு மாற்றமும், எதிர்பார்த்த பதவி உயர்வும் கிடைக்கும். அரசியல்வாதிகள் செல்வாக்கு உயரும். தலைமையின் ஆதரவு கிடைக்கும். சிலருக்கு புதிய பொறுப்பும் பதவியும் கிடைக்கும். உங்கள் லாபாதிபதி செவ்வாயும் சூரியனும் பரிவர்த்தனை பெறுவதால் தைரியம் தன்னம்பிக்கை அதிகரிக்கும். உடலில் இருந்த சங்கடங்கள் விலகும். கணவன் மனைவிக்குள் இணக்கமான நிலை இருக்கும். பெண்களுக்கு உடலில் ஏற்பட்ட சங்கடங்கள் விலகும். வேலையில் நிம்மதியான நிலை உண்டாகும். குடும்பத்தில் மரியாதை அதிகரிக்கும். பொன் பொருள் சேரும். விவசாயிகளுக்கு குரு மங்கள யோகத்தின் காரணமாக விளைச்சலில் ஆதாயம் உண்டாகும். மாணவர்களுக்கு படிப்பில் ஏற்பட்ட தடைகள் விலகும்.சந்திராஷ்டமம்: நவ. 30. டிச. 1.அதிர்ஷ்ட நாள்: நவ. 17, 19, 26, 28. டிச. 1, 8, 10.பரிகாரம்: கபாலீஸ்வரரை வழிபட எடுக்கும் முயற்சி வெற்றியாகும்.திருவோணம்சரியான இலக்கைத் தீர்மானித்து அதைநோக்கி பயணித்துவரும் உங்களுக்கு, பிறக்கும் கார்த்திகை மாதம் திட்டமிட்டு செயல்பட வேண்டிய மாதமாகும். ஜென்ம ராசிக்குள் ராகு பகவான் சஞ்சரிப்பதால் ஆசைகள் அதிகரிக்கும்.  தொழில் வியாபாரத்தில் ஆதாயத்தை எதிர்நோக்கி அடியெடுத்து வைப்பீர்கள். செல்வம் செல்வாக்கை எதிர்பார்த்து முயற்சிகளை மேற்கொள்வீர்கள். அதேநேரத்தில் சப்தம ஸ்தானத்தில் சஞ்சரிக்கும் கேது தவறான நட்புகளை உங்களுக்கு ஏற்படுத்தி உங்களை திசை மாற்றுவார். அதனால் குடும்பத்திலும் கணவன் மனைவிக்குள்ளும் பிரச்னைகள் உண்டாகும். இந்த நேரத்தில் உங்கள் ஜீவனாதிபதி சுக்கிரன் பத்தாமிடத்தில் ஆட்சியாக சஞ்சரிப்பதால் பலவகையிலும் செலவுகள் அதிகரிக்கும். சிலர் தங்கள் ஆடம்பரத்திற்காகவும், சந்தோஷத்திற்காகவும் அதிகபட்சமாக செலவுகளை மேற்கொள்வீர்கள் என்றாலும், லாப ஸ்தான சூரியன் வரவை அதிகரிப்பார். வசதி வாய்ப்புகளை நோக்கி உங்களை நடைபோட வைப்பார். அக். 30 முதல் உங்கள் ராசிநாதன் சனி பகவான் வக்கிர நிவர்த்தி அடைவதால் எடுக்கும் முயற்சிகள் வெற்றியாகும். உங்கள் செல்வாக்கு உயரும். தன்னம்பிக்கையும் தைரியமும் அதிகரிக்கும். அரசியல் அரசியல்வாதிகளுக்கு பட்டம் பதவி என்ற கனவு நனவாகும். ஆரோக்கியமாக செயல்படக்கூடிய நிலை உண்டாகும். பெண்களுக்கு குடும்ப நலனில் அக்கறை அதிகரிக்கும். எதிர்பார்ப்புகள் பூர்த்தியாகும். கணவருடன் இணக்கமான நிலை உண்டாகும் என்றாலும், புதிய நட்புகளிடம் ஓரடி விலகி இருப்பது நன்மையினை உண்டாக்கும். குடும்பத்தினருக்கு தெரியாமல் எந்தவொரு முயற்சியிலும், முதலீட்டுலும் ஈடுபட வேண்டாம். அதனால் சங்கடங்களையே சந்திக்க வேண்டியதாக இருக்கும். விவசாயிகள் விளைச்சலில் கவனமாக இருப்பது நன்மையளிக்கும். மாணவர்களுக்கு இந்த மாதம் யோகமான மாதமாகும்.சந்திராஷ்டமம்: டிச. 1, 2.அதிர்ஷ்ட நாள்: நவ. 17, 20, 26, 29. டிச. 8, 11.பரிகாரம்: துர்க்கையை வழிபட வாழ்வில் நன்மை உண்டாகும்.அவிட்டம் 1, 2 ம் பாதம்பிறப்பு என்பது வாழ்வதற்காகத்தான் என்பதை உணர்ந்து வாழ்ந்துவரும் உங்களுக்கு, பிறக்கும் கார்த்திகை மாதம் நிதானமாக செயல்பட வேண்டிய மாதமாகும். அஷ்டம ஸ்தானத்தில் தைரிய வீரிய காரகன் செவ்வாயும், தன புத்திரக் காரகன் குருவும் மறைவு பெறுவதால் நெருக்கடி அதிகரிக்கும். உடல் நிலையிலும் மனநிலையிலும் சங்கடங்கள் உண்டாகும். ஆனாலும் உங்கள் பாக்கியாதிபதியான புதன் மாதம் முழுவதும் சாதகமாக சஞ்சரிப்பதால் செய்துவரும் தொழில், வியாபாரம் முன்னேற்றம் அடையும். வேலையில் ஏற்பட்ட நெருக்கடி நீங்கும். வேலைக்காக முயற்சித்து வருபவர்களுக்கு எதிர்பார்த்த தகவல் வரும். புதிய இடம் வீடு வாங்கும் முயற்சி வெற்றியாகும். எதிர்பார்த்த பணம் கிடைக்கும். மாதத்தின் பிற்பகுதியில் சகாய ஸ்தானத்தில் சஞ்சரித்து வரும் சனிபகவான் வக்கிர நிவர்த்தி அடைவதால் தைரியமும் தன்னம்பிக்கையும் கூடும். தைரியமாக செயல்படக்கூடிய நிலை உண்டாகும் .தொழில் நிறுவனங்கள் நடத்தி வருபவர்களுக்கு பணியாளர்கள் ஆதரவு கிடைக்கும். புதிய நபர்களின் அறிமுகம் சிலருக்கு ஏற்படும் என்றாலும் அவர்களிடம் எச்சரிக்கையாக இருப்பது அவசியம். ஞானமோட்சக் காரகன் கேது சப்தம ஸ்தானத்தில் சஞ்சரிப்பதால் புதிய நட்புகளின் வழியே சங்கடங்கள் உண்டாகும். ஜென்ம ராசிக்குள் ராகு சஞ்சரிப்பதால் மனதில் தேவையற்ற சஞ்சலமும் ஆசையும் உண்டாகும். அதன் காரணமாக சிலர் தவறான பாதையில் செல்வதற்கும் வாய்ப்புகள் ஏற்படும் என்பதால், உங்கள் சுய கௌரவத்தையும், குடும்ப கௌரவத்தையும் பாதுகாத்திட நல்லது எது? கெட்டது எது என்பதைத் தெரிந்து கொண்டு செயல்படுவது நன்மை அளிக்கும். வியாபாரம் தொழிலில் வருமானம் அதிகரித்திட வாய்ப்பிருப்பதால் அதை சேமிப்பில் கொண்டு செல்வது, பொன் பொருள், இடம் வீடு வாங்குவது என்பது நன்மையளிக்கும். இக்காலத்தில் குடும்பத்தினரை அனுசரித்துச்செல்வதும் வார்த்தைகளில் நிதானம் காப்பதும் மிக மிக அவசியம். பெண்கள் வாழ்க்கைத்துணையின் உடல் நலனில் கூடுதல் அக்கறை எடுப்பது அவசியம். விரய செலவுகள் ஏற்பட வாய்ப்பிருப்பதால் கவனமாக இருப்பது நன்மையளிக்கும். தாய்வழி உறவினர்கள் ஆதரவு இந்த நேரத்தில் உங்களைப் பாதுகாக்கும். விவசாயிகளுக்கு விளைச்சலில் கூடுதல் கவனம் தேவைப்படும். மாணவர்களுக்கு படிப்பில் எதிர்பார்த்த முன்னேற்றம் கிடைக்கும்.சந்திராஷ்டமம்: டிச. 2.அதிர்ஷ்ட நாள்: நவ. 17, 18, 26, 27. டிச. 8, 9.பரிகாரம்: கருமாரி அம்மனை வழிபட வாழ்வில் நன்மை உண்டாகும்.

கும்பம்அவிட்டம் 3, 4 ம் பாதம்எந்த ஒன்றாக இருந்தாலும் அதில் போராடி வெற்றிபெறக்கூடிய உங்களுக்கு, பிறக்கும் கார்த்திகை மாதம் நன்மையான மாதமாகும். சப்தம ஸ்தானத்தில் தைரிய வீரிய காரகன் செவ்வாயும், தன புத்திரக் காரகன் குருவும் சஞ்சரித்து உங்கள் ராசியைப் பார்க்கின்றனர். இதனால் உங்கள் வாழ்க்கையில் இருந்த நெருக்கடிகள் போராட்டங்கள் பிரச்னைகள் எல்லாம் இருந்த இடம் தெரியாமல் போகும். இழுபறியாக இருந்த வேலைகள் முடிவிற்குவரும். தவறான நண்பர்கள் உங்களை விட்டு விலகிச் செல்வர். குடும்பத்தில் சுபிட்சமான நிலை இருக்கும். கணவன் மனைவிக்குள் அனுசரித்துச் செல்லக்கூடிய நிலை உண்டாகும். சிலருக்கு புதிய சொத்துசேரும். வருமானம் பலவழியிலும் வர ஆரம்பிக்கும். உடல் நிலையில் ஏற்பட்ட சங்கடங்கள், வியாபாரம் தொழிலில் ஏற்பட்ட நெருக்கடிகள் எல்லாம் இருந்த இடம் தெரியாமல் போகும். பிறருக்கு உதவி செய்யக்கூடிய அளவிற்கு உங்கள் நிலை உயரும். பெண்களுக்கு குடும்பத்தில் நிம்மதியான நிலை உண்டாகும். வேலைப் பார்க்கும் இடத்தில் மரியாதை கூடும். வாழ்க்கைத் துணையின் ஆதரவு கிடைக்கும். விவசாயிகளுக்கு விளைச்சல் கூடும். எதிர்பார்த்த ஆதாயம் கிடைக்கும். மாணவர்களுக்கு படிப்பில் ஏற்பட்ட தடைகள் விலகும்.சந்திராஷ்டமம்: டிச. 2, 3.அதிர்ஷ்ட நாள்: நவ. 17, 18, 26, 27. டிச. 8, 9.பரிகாரம்: செந்தில் ஆண்டவனை வழிபட எடுத்த வேலை வெற்றியாகும்.சதயம்எந்த நிலையிலும் எடுத்த வேலையை முடிப்பவரான உங்களுக்கு, பிறக்கும் கார்த்திகை மாதம் யோகமான மாதமாகும். ருண ரோக சத்துரு ஜெய ஸ்தானத்தில் சஞ்சரிக்கும் கேது உங்கள் செல்வாக்கை உயர்த்துவார். வியாபாரம் தொழிலில் ஏற்பட்ட போட்டி எதிர்ப்பு போன்றவற்றை இல்லாமல் செய்வார். வழக்கு விவகாரங்களை சாதகமாக்குவார். உடல்நிலையில் ஏற்பட்ட பாதிப்புகளை இல்லாமல் செய்வார். உத்தியோகத்தில் இருப்பவர்களுக்கு எதிர்பார்த்த இடமாற்றம் பதவி உயர்வு கிடைக்கும். வேலைக்காக முயற்சித்து வந்தவர்களுக்கு எதிர்பார்த்த தகவல் வரும். அரசு வழி முயற்சிகள் சாதகமாகும். நீண்டநாள் கனவு நனவாகும். அரசியல்வாதிகளுக்கு எதிர்பார்த்த பொறுப்பு பதவி தேடிவரும். கையில் பணம் புரளும். உங்கள் பூர்வ புண்ணியாதிபதி புதன் நவ. 30 முதல் சாதகமாக சஞ்சரிப்பதால் வருமானம் அதிகரிக்கும். வியாபாரிகளுக்கும் கலைஞர்களுக்கும் எதிர்பார்த்த ஒப்பந்தம் கிடைக்கும். புதிய இடம் வீடு வாங்கும் முயற்சி வெற்றியாகும். சிலர் புதிய வீட்டில் குடியேறுவீர்கள். சப்தம குருவின் பார்வைகளால் செல்வாக்கும் அந்தஸ்தும் உயரும். தைரியம் அதிகரிக்கும். எடுத்த வேலையை முடித்திடக்கூடிய நிலை உருவாகும். பெண்கள் எதிர்பார்ப்பு பூர்த்தியாகும். பொன் பொருள் சேரும். மகிழ்ச்சியான நிலை இருக்கும் விவசாயிகளுக்கு ஆதாயம் கூடும். மாணவர்களுக்கு படிப்பில் முன்னேற்றம் உண்டாகும்.சந்திராஷ்டமம்: டிச. 3.அதிர்ஷ்ட நாள்: நவ. 17, 22, 26. டிச. 4, 8, 13.பரிகாரம்: ஆண்டாள் அழகரை வழிபட நன்மை உண்டாகும்.பூரட்டாதி 1, 2, 3 ம் பாதம்தன புத்திரக் காரகனின் அருள் பெற்ற உங்களுக்கு, பிறக்கும் கார்த்திகை மாதம் முன்னேற்றமான மாதமாகும். சப்தம ஸ்தானத்தில் சஞ்சரிக்கும் குரு பகவான் உங்கள் ராசியைப் பார்க்கிறார். இதனால் இருட்டிலிருந்து வெளிச்சத்திற்கு வந்தது போல் உங்கள் நிலை மாறும். செல்வம் செல்வாக்கு அந்தஸ்து உயரும். ஆரோக்கியம் மேம்படும். குடும்பம் தொழில் உத்தியோகத்தில் இருந்த பிரச்னைகள் இருந்த இடம் தெரியாமல் போகும். செல்வாக்கு மிக்கவராக நடை போடக்கூடிய நிலை உருவாகும். திருமண வயதினருக்கு வரன் வரும். உங்களுக்கு எதிராக செயல்பட்டவர்களும் இக்காலத்தில் உங்களிடம் வந்து சமாதானம் பேசுவர். உங்கள் சப்தமாதிபதி சூரியன் ஜீவன ஸ்தானத்தில் சஞ்சரிப்பதால் பட்டம் பதவி என்ற கனவு நனவாகும். அரசியல்வாதிகளுக்கு எதிர்பார்த்த முன்னேற்றம் ஏற்படும். சிலருக்கு தலைமையின் பரிபூரண ஆதரவு கிடைக்கும். தைரியக்காரகன் செவ்வாயும் ராசியைப் பார்ப்பதால் தைரியமுடன் செயல்படக்கூடிய நிலை உண்டாகும். உங்கள் பாக்கியாதிபதி சுக்கிரன் பாக்கிய ஸ்தானத்தில் ஆட்சியாக சஞ்சரிப்பதால் எதிர்பார்த்த வருமானம் வரும். பிறருக்கு உதவி செய்யக்கூடிய அளவிற்கு உங்கள் நிலை மாறும். குடும்பத்திலும் மகிழ்ச்சியான நிலை இருக்கும். கணவன் மனைவிக்குள் இணக்கம் உண்டாகும் சிலருக்கு புதிய சொத்து சேரும். செய்துவரும் தொழிலில் இருந்த தடை விலகும். புதிய தொழில் தொடங்கும் முயற்சி வெற்றியாகும். அரசு வழியில் எதிர்பார்த்த சலுகைகள் கிடைக்கும். வெளிநாட்டு முயற்சிகள் சாதகமாகும் என்றாலும், வீண் செலவுகளை குறைத்துக் கொள்வதும் குடும்பத்தினரை அனுசரித்துச் செல்வதும் நன்மையாகும். விவசாயத்தில் எதிர்பார்த்த ஆதாயம் கிடைக்கும். மாணவர்களுக்கு மாதத்தின் பிற்பகுதி யோகமாக இருக்கும்.சந்திராஷ்டமம்: டிச. 4.அதிர்ஷ்ட நாள்: நவ. 17, 21, 26, 30. டிச. 3, 8, 12.பரிகாரம்: மணக்குள விநாயகரை வழிபட வாழ்வில் இருந்த சங்கடம் நீங்கும்.

மீனம்பூரட்டாதி 4 ம் பாதம்பிறருக்கு வழிகாட்டியாக வாழ்ந்துவரும் உங்களுக்கு, பிறக்கும் கார்த்திகை மாதம் நிதானமாக செயல்பட வேண்டிய மாதமாகும். இதுவரை பூர்வ புண்ணிய ஸ்தானத்தில் சஞ்சரித்து யோகப்பலன்களை வழங்கிவந்த குருபகவான், 6 ம் இடமான ருண ரோக சத்ரு ஜெய ஸ்தானத்தில் சஞ்சரிக்கிறார். வியாபாரம் தொழிலில் எதிர்ப்பையும், உடலில் நோய் நொடிகளையும் உண்டாக்குவார் என்றாலும், அவருடைய பார்வைகள் 10, 12, 2 ம் இடங்களுக்கு உண்டாவதால் தொழில் விருத்தியாகும். வேலையில் ஏற்பட்ட நெருக்கடி நீங்கும். புதிய தொழில் தொடங்கும் முயற்சி வெற்றியாகும். உத்தியோகத்தில் இருப்பவர்களுக்கு எதிர்பார்த்த இடமாற்றம் பதவி உயர்வு கிடைக்கும். வீண் செலவுகளும் அலைச்சலும் குறையும். கணவன் மனைவிக்குள் இணக்கமான நிலை இருக்கும். குடும்பத்தில் மகிழ்ச்சி நிலவும். எதிர்பார்த்த பணம் வரும். கொடுத்த வாக்கை காப்பாற்ற முடியும் என்றாலும், ஞான மோட்சக்காரகன் கேது பூர்வ புண்ணிய ஸ்தானத்தில் சஞ்சரிப்பதால் மனதில் ஏதேனும் ஒரு குழப்பம் இருந்து கொண்டிருக்கும். பிள்ளைகள் பற்றிய கவலை அதிகரிக்கும். பூர்வீக சொத்தில் பிரச்னைகளை சந்திக்க வேண்டியதாக இருக்கும். நவ் 30 முதல் ஜென்ம ராசிக்குள் சஞ்சரிக்கும் சனி வக்கிர நிவர்த்தி அடைவதால் உங்களின் இயல்பான நிலை மாறும். எந்த ஒன்றையும் உடனுக்குடன் செய்து முடிக்கும் உங்களிடம் ஒரு மந்தமான நிலை உண்டாகும் அதனால் எடுக்கும் வேலைகள் இழுபறியாகும். உடல் நிலையிலும் ஏதேனும் ஒரு சங்கடம் உண்டாகி உங்களை சோர்வடைய வைக்கும் என்பதால் அனைத்திலும் கூடுதல் கவனம் தேவை. எந்த ஒன்றாக இருந்தாலும் அதில் யோசித்து முடிவு எடுப்பதும் இந்த நேரத்தில் அவசியம். பிறரை நம்பி எந்தவொரு வேலையையும் நீங்கள் மேற்கொள்ள வேண்டாம். அதனால் சங்கடங்களே அதிகரிக்கும். விவசாயிகளுக்கு விளைச்சல் கூடும். வருமானம் அதிகரிக்கும். மாணவர்களுக்கு மாதத்தின் முற்பகுதி யோகமாக இருக்கும்.சந்திராஷ்டமம்: டிச. 5.அதிர்ஷ்ட நாள்: நவ. 21, 30. டிச. 3, 12.பரிகாரம்: காந்திமதி அம்மனை வழிபட வாழ்வில் நன்மை உண்டாகும்.உத்திரட்டாதிநிதானமாக செயல்பட்டு நினைத்ததை சாதித்திடக்கூடிய உங்களுக்கு, பிறக்கும் கார்த்திகை மாதம் நன்மையான மாதமாகும். லாப ஸ்தானத்தில் யோகக்காரகன் ராகு சஞ்சரிப்பதால் வியாபாரம் தொழிலில் எதிர்பார்த்த முன்னேற்றம் உண்டாகும். வரவேண்டிய பணம் வரும். குடும்பத்தில் மகிழ்ச்சியான நிலை இருக்கும். பெரியோரின் ஆதரவு கிடைக்கும். இழுபறியாக இருந்த வேலைகள் முடியும். நவ. 30 வரை உங்கள் சப்தமாதிபதி புதன் அஸ்டம ஸ்தானத்தில் மறைவதால், மறைந்த புதன் நிறைந்த செல்வங்களைத் தருவார் என்ற வார்த்தைக்கேற்ப பொன் பொருள் சேரும். பணப்புழக்கம் இருக்கும். தடைபட்ட வேலைகள் நடந்தேறும். எதிர்பார்த்த ஒப்பந்தம் கிடைக்கும். வீடு இடம் வாங்கும் முயற்சி வெற்றியாகும். திடீர் அதிர்ஷ்ட வாய்ப்புகள் தேடிவரும். அரசியல்வாதிகளுக்கு ஏற்பட்ட நெருக்கடி நீங்கும். உத்தியோகத்தில் இருப்பவர்களுக்கு மேல் அதிகாரியின் ஆதரவு கிடைக்கும். நீண்டநாள் முயற்சி வெற்றியாகும் என்றாலும், நவ. 30 முதல் ஜென்ம சனி வக்கிர நிவர்த்தி அடைவதும், புதன் பாக்கிய ஸ்தானத்தில் சஞ்சரிப்பதும் உங்கள் செயல்களில் தடைகளையும் தாமதத்தையும் ஏற்படுத்தும். ஞாபக மறதியின் காரணமாக முக்கியமான வேலைகளில் கவனம் செலுத்த முடியாமல் போகும். உங்கள் பூர்வ புண்ணியாதிபதி சூரியன் மாதம் முழுவதும் பாக்கிய ஸ்தானத்தில் சஞ்சரிப்பதால் கடந்த மாதத்தில் ஏற்பட்ட நெருக்கடிகள் நீங்கும். சட்ட சிக்கல்கள் முடிவிற்குவரும். பெரியோரின் ஆதரவும் சமூக அந்தஸ்தும் கிடைக்கும். அரசியல்வாதிகளுக்கு செல்வாக்கு உண்டாகும். சிலருக்கு புதிய பொறுப்பு, பதவி கிடைக்கும். பெண்களுக்கு குடும்பத்தில் ஏற்பட்ட நெருக்கடி விலகும். வேலைப்பார்க்கும் இடத்தில் நிம்மதியான நிலை உருவாகும். வாழ்க்கைத்துணையின் ஆதரவு கிடைக்கும். பிள்ளைகள் பற்றிய கவலை சிலருக்கு உண்டாகும். விவசாயிகளுக்கு முயற்சிக்கேற்ற ஆதாயம் கிடைக்கும். மாணவர்களுக்கு படிப்பில் ஏற்பட்ட தடைகள் விலகும்.சந்திராஷ்டமம்: டிச. 5, 6.அதிர்ஷ்ட நாள்: நவ. 21, 26, 30. டிச. 3, 8, 12.பரிகாரம்: மகாலிங்கேஸ்வரரை வழிபட எடுத்த வேலை வெற்றியாகும்.ரேவதிநேரம் காலம் அறிந்து செயல்படக்கூடிய உங்களுக்கு, பிறக்கும் கார்த்திகை மாதம் முன்னேற்றமான மாதமாகும். மாதத்தின் முற்பகுதியில் வித்யா காரகன் புதன் சாதகமாக சஞ்சரிப்பதுடன், உங்கள் தன குடும்பாதிபதியும், பாக்கியாதிபதியுமான செவ்வாய் ருண ரோக சத்துரு ஜெய ஸ்தானத்தில் சஞ்சரிப்பதால் எடுத்த வேலைகள் வெற்றியாகும். நினைத்த காரியங்கள் நடந்தேறும். தைரியமும் தன்னம்பிக்கையும் கூடும். புதிய இடம் வீடு வாங்கும் முயற்சி வெற்றியாகும். எதிர்பார்த்த இடத்தில் இருந்து பணம் கிடைக்கும். வியாபாரம், தொழிலில் உங்கள் திறமைக்கேற்ற, முதலீட்டிற்கேற்ற ஆதாயத்தை காண முடியும். சுய தொழில் செய்பவர்களுக்கு ஆதாயம் அதிகரிக்கும். சமூகத்தில் அந்தஸ்தும் மரியாதையும் உயரும். அரசு வழி முயற்சிகள் சாதகமாகும். வெளிநாடு செல்வதற்காக மேற்கொள்ளும் வேலைகள் வெற்றியாகும். வெளிநாட்டில் வேலைப்பார்த்து வருபவர்களுக்கு ஏற்பட்ட சங்கடங்கள் நீங்கும். குடும்பத்தில் நிம்மதி உண்டாகும். உத்தியோகத்தில் இருப்பவர்களுக்கு மேல் அதிகாரியின் ஆதரவு கிடைக்கும். சிலருக்கு எதிர்பார்த்த மாற்றம் கிடைக்கும். புதிய தொழில் தொடங்குவதற்காக மேற்கொள்ளும் முயற்சி வெற்றியாகும். அரசு வழியில் கிடைக்க வேண்டிய அனுமதி கிடைக்கும். உறவினருடன் ஏற்பட்ட பிரச்னைகள் விலகும். பெண்களுக்கு இதுவரை இருந்த நெருக்கடிகள் சங்கடங்கள் எல்லாம் விலகும். உடலில் ஏற்பட்ட பாதிப்பு நீங்கும். ஆரோக்கியமாக நடைபோட முடியும். வேலைப்பார்க்கும் இடத்தில் எதிர்பார்த்த பொறுப்பும் சலுகைகளும் கிடைக்கும். விவசாயிகளுக்கு எதிர்பார்த்த ஆதாயம் கிடைக்கும். மாணவர்களுக்கு படிப்பில் அக்கறை கூடும்.சந்திராஷ்டமம்: டிச. 6, 7.அதிர்ஷ்ட நாள்: நவ. 21, 23, 30. டிச. 3, 5, 12, 14.பரிகாரம்: காந்திமதி அம்மனை வழிபட வேண்டுதல் நிறைவேறும். மனதில் நிம்மதி உண்டாகும்.


ShareTweetShareShare

Advertisement

Advertisement Tariff

Advertisement




      Dinamalar
      Follow us